2025 шықәса рашәара 25 азы Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә Республика усуратә визитла даҭааит. Аминистр дицуп адәныҟатәи аусқәа рминистр ихаҭыԥуаҩ инапынҵақәа назыгӡо Иракли Ҭыжәба.

Аҳәааҿы аминистр иԥылеит Шьамтәыла иҟоу аҷыдалкаатә зинмчы змоу Аԥсны ацҳаражәҳәаҩ Муҳаммад Али, Шьамтәыла адәныҟатәи аусқәа рминистрра апротокол Адепартаменти Европа Адепартаменти рхаҭарнакцәа.

Шьамтәылатәи Арабтә Республика адәныҟатәи аусқәеи аҳәаанырцә иҟоу аџьынџьуаа русқәеи рзы аминистр Асад Ҳасан Аль-Шаибании егьырҭ аофициалтә хаҿқәеи рԥылара мҩаԥгахараны иҟоуп.