Лыԥха змоу Антиохиеи Мрагылара зегьи Рпатриарх Иоанн X аделегациа идикылеит Дамасктәи ирезиденциаҿы.

Аиԥылараан  наҟ-ааҟ аинтерес ззеицрымаз азҵаарақәа ирылацәажәан.

Аиԥылараан ҷыдала ахшыҩзышьҭра рыҭан адоуҳатә еицәажәарақәа рыҿиареи, аилибакаареи, апатуқәҵареи рзы акрызҵазкуа шьаҭаны иҟоу шәышықәсалатәи ақьырсиантә еимадарақәа.

АдәА рминистр Олег Барцыци Апатриархи иазгәарҭеит аҭынчреи, аҳәоуеиқәшәареи, аилибакаареи рырӷәӷәареи, атрадициатә беиарақәа реиқәырхареи рҿы ауахәама аҵакы шамоу.

Адәныҟатәи аусқәа рминистр Олег Барцыц Лыԥха змоу Антиохиеи Мрагылара зегьи Рпатриарх Иоанн X Аԥсны Аҳәынҭқарра иазку агәаларшәагатә ԥараҿырпи ашәҟәи ианеишьеит