2025 шықәса ԥхынгәымза 21 рзы, Аԥсны Аҳәынҭқарра адәныҟатәи аусқәа рминистр Олег Барцыц Ареспублика Никарагуа официалла иҟазаара аҳәаақәа ирҭагӡаны, Аԥсны аофициалтә делегациеи Абанк Хада ахантәаҩи афинансқәа рминистрра ахаҭарнакцәеи реиԥылара мҩаԥысит.

Инарҭбаау аиҿцәажәараан аганқәа абанктә сектор аҿы аусеицура арӷәӷәареи ахәаахәҭратәи афинанстәи еизыҟазаашьақәа рыҿиара амеханизм аԥҵареи рзы ԥхьаҟатәи апрактикатә шьаҿақәа азгәарҭеит.