Даур Ақаҩба Витали Игнатьев адныҳәалара изынаишьҭит

Даур Ақаҩба Витали Игнатьев адныҳәалара изынаишьҭит
10 February 2020 168

Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Приднестровие Молдавиатәи ареспублика Адәныҟатәи Аусқәа рминистр Витали Игнатьев адныҳәалара изынаишьҭит.

Адныҳәалараҟны иаҳәоит:

«Приднестровие Молдавиатәи ареспублика Адәныҟатәи Аусқәа рминистрра ашьақәгыларатә мҩа ду ианысит. Актәи амшқәа инадыркны иара аусура азырхан ареспублика жәларбжьаратәи аренаҟны ахьӡ аӡыргара. Приднестровие Молдавиатәи ареспублика адипломатиатә маҵзура еснагь иҷыдараны иаман абарҭ аҟазшьақәа: аԥсадгьыл амаҵ аура, аԥшьгамҭақәа хра рыҭара, аинтересқәа рыцәхьамҵра.

Приднестровие Молдавиатәи ареспублика Адәныҟатәи Аусқәа рминистрра аколлектив иаку апрофессионалцәа иркоманданы ишьақәгылоуп. Шәара, Витали Виктор-иԥа, шәнапхгарала аҿаԥхьа ишьҭоу адҵақәа аԥсҭазаара иаладырҵәоит.

Аԥсны-приднестровиатәи аизыҟазаашьақәа аиҩызаратә ҟазшьа рыманы иҿиоит.

Ҳаҭыр зқәу Витали Виктор-иԥа, ҳадәныҟаполитикатә усбарҭақәа рыбжьара иҟоу адиалог ахәшьара ҳарак асҭоит. Агәра згоит уи алшара дуқәа шамоу, ҳажәларқәа реизҳазыӷьаразы аԥсҭазаара ишаларҵәахо».

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: