Цәыббра 9 2020 шықәса рзы Аԥсни Урыстәылеи рыбжьара адипломатиатә еизыҟазаашьақәа шьақәгылеижьҭеи 12 шықәса ҵит.
Ари амш атәылақәа рыҩбагь рзы акрызҵазкуа аҭоурыхтә ҟазшьа амоуп. Иара иаанарԥшуеит ҩ-жәларык ргәаҳәара, аиҩызаратәи аиашьаратәи ҟазшьа рыманы аицынхара рҭахра.
Аҳәынҭқаррақәа рыҩбагь иахьа шьаҿа-шьаҿала аҳәынҭқаррабжьаратә, аиҳабырабжьаратә еиқәшаҳаҭрақәа ҵаҵӷәыс иҟаҵаны активла аполитикатә диалог мҩаԥыргоит.
Арҭ ашықәсқәа рыла имҩаԥган аекономика, агуманитартә усхкқәа рҟны апроектқәа жәпакы.
Агәрагара ҳамоуп Аԥсны Аҳәынҭқарреи Урыстәылатәи Афедерациеи рыбжьара аусеицура ԥхьаҟагьы аҿиара ду шаиуа.