Ԥхынгәы 15 2021 шықәсазы Аԥсны адәныҟатәи аусқәа рминистр Даур Ақаҩба усутә визитла Ареспублика Никарагуа днеиит.
Аусутә визит аҳәаақәа ирҭагӡаны иазыԥхьагәаҭоуп атәыла анапхгара рԥылара, аԥсны-никарагуатә ҩ-ганктә еизыҟазаашьақәа рызҵаарақәа рылацәажәара.
Аԥсны адәныҟатәи аусқәа рминистр Даур Ақаҩба иара убасгьы иҽрылаирхәуеит Сандинисттәи ареволюциа 42-шықәса ахыҵра иазку аныҳәатә уснагӡатәқәа.
Цәыббра 3 2008 шықәсазы Ареспублика Никарагуа Аԥсны Аҳәынҭқарра ахьыԥшымра азханаҵеит, цәыббра 10 2009 шықәсазы Аԥсни Никарагуеи рыбжьара адипломатиатә еизыҟазаашьақәа шьақәгылеит.