Аԥсны Аҳәынҭқарра Адәныҟатәи аусқәа рминистрра аделегациа, Аԥсны Аҳәынҭқарра Адәныҟатәи аусқәа рминистр Даур Ақаҩба зхадараҿы дыҟоу аделегациа Ареспублика Арцах иҟоуп. Авизит аҳәаақәа ирҭагӡаны имҩаԥысит Аԥсны Адәныҟатәи аусқәа рминистр Даур Ақаҩбеи Ареспублика Арцах Адәныҟатәи аусқәа рминистр Масис Маилиани реиԥылара.

Аиԥылараан иазгәаҭан 2017 шықәса рзы аминистррақәа аҩба рыбжьара анапы зҵаҩыз жәларбжьаратәи аусеицура аусхк аҟны аилибакаараз Амеморандум
Апринципқәа ишрыцәхьамҵуа.

Аиԥылара алахәылацәа ирҳәеит Амеморандум ҩ-ганктәи аусеицура аԥеиԥш еиҳа-еиҳа ишарҭбаауа. Даур Ақаҩбеи Масис Маилиани Арцахи Аԥсни рҟны Аҳаҭыртә консулцәа ринститут аԥҵара аԥшьгара аидеиа иадгылеит.

Дара ргәаанагарала аҳәынҭқаррақәа рыбжьара аизыҟазаашьа зырҿио акакәны иԥхьаӡаны. Аиԥылараҿ иара убасгьы ирылацәажәан ҩ-ганктәи аусеицура еиуеиԥшым егьырҭ аспектқәагьы.

Аиԥылара далахәын Аԥсны Аҳәынҭқарра Адәныҟатәи аусқәа рминистрра аусзуҩ Адгәыр Чегьиа.