Аԥсны ААР ахҳәаа азыҟанаҵеит Қырҭтәыла аинышәареи атәылауаҩратә еиҟарареи рызҵаарақәа рзы аминистр Т. Ахвледиани лыҳасабырбатә қәгылара

Аԥсны ААР ахҳәаа азыҟанаҵеит  Қырҭтәыла  аинышәареи атәылауаҩратә еиҟарареи рызҵаарақәа рзы аминистр Т. Ахвледиани лыҳасабырбатә қәгылара
4 August 2021 321

Нанҳәа 3 азы Қырҭтәыла аинышәареи атәылауаҩратә еиҟарареи рызҵаарақәа рзы аминистр Т. Ахвледиани аҳасабырба ҟалҵеит.

«Аԥсуа уаажәларра иформалымкәа рнырра» иадҳәалоу аусура далацәажәо Ахвледиани иазгәалҭеит иқәҿиароу аусеицуратә ҿырԥштәқәа.
«Ахәаахәҭратәии аекономикатәии еимадарақәа рзы аусура хацнаркит «Фонд мира для лучшего будущего», аԥара рзоужьра иалагеит ақырҭуа-аԥсуа бизнес-проектқәа. Аԥсны аусура иалагеит 100 рҟынӡа проект, агәреибагара иазырхоу» ҳәа лҳәеит аминистр. Уи адагьы Ахвледиани аҳәамҭа ҟалҵеит Егрытәи ацҳала аныҟәара етап-етапла ишазнеиуа. Аминистр иазгәалҭеит Қырҭтәыла аиҳабыреи жәларбжьаратәи аиҿкаарақәеи Аԥсны ауааԥсыра коронавирус иаҿагыланы рықәԥараан 4 млн лари ацхыраара шыҟарҵаз. Ахвледиани дазааҭгылеит Аԥсны иҭаку Иракли Бебуа изҵаарагьы. Лара илҳәеит хара имгакәа уи азҵаара ҵоураны иӡбахараны иҟоуп ҳәа дшақәгәыӷуа.

Ахвледиани зыӡбахә лымо ақырҭуа-аԥсуа бизнес-проектқәа хазы ирылацәажәатәуп. Урҭ Аԥсны атәылауаа рылахәӡам. Гал араион аҿы инхо Қырҭтәыла атәылауаа алахәызар, уи иаанагом агәреибагара иахәо бизнес-проектуп ҳәа.

Егры ацҳала аныҟәара аиҭахацыркра акәзаргьы Қырҭтәыла аиҳабыра уи аӡбра русс алаӡам, Аԥсны гал араион инхо рҭахрақәа рҭак ҟарҵоит ауп.\

Ахвледиани дызлацәажәаз аԥснаа коронавирус раҿагылараҿ ацхыраара акәзар, Аԥсны Қырҭтәыла аиҳабыра рҟынтәи ацхыраара амамызт, иагьаиуам. Аҟәаҟа иаауа ацхыраара ҟазҵо жәларбжьаратәи аиҿкаарақәа роуп.

Ахвледиани зыӡбахә лымаз Иракли Бебуа иакәзар Аԥсны иуыс ӡбан иҟаиҵаз ацәгьоураз. Заанаҵы ихы иақәиҭтәра азҵаара уаҩ далацәажәом.

Ҳаҭыр зқәу Т. Ахвледиани илабжьаагоит иҟоу афактқәа еилалымхәаларц. Аминистрра абиуџьет арҭбааразы иҟам-ианым аҳәара иашам, ақырҭуа уаажәларра ржьарагьы аҭахым.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: