Ажәабжь ҿыцқәа
2023 шықәса ԥхынҷкәын 11 рзы Дамаск, Аԥсны Адәныҟатәи аусқәа рминистр Инал Арӡынба Шьамтәылатәи Арабтә республикахь аусутә ныҟәара аҳәаақәа ирҭагӡаны имҩаԥысит Аԥсны Адәныҟатәи аусқәа рминистр Инал Арӡынбеи Шьамтәылатәи Арабтә республикаҿ инхо аԥсуа-абазеи ачерқьес диаспореи иара убасгьы ШьАР аҿы иҟоу ачерқьестә гәыҳалалратә ассоциациа адиректорцәа рхеилаки реиԥылара.
Аԥсны АдәАР ахада Инал Арӡынбеи Урыстәыла иҟоу Шьамтәылатәи Арабтә республика ацҳаражәҳәаҩ Башар Џьаафари еиԥылеит Москва, Шьамтәыла Ацҳаражәҳәарҭаҿы.
Аганқәа аполитикеи, ахәҳаахәҭра-економикеи, агуманитартәи усхкқәа рҟны аҳәынҭқаррабжьаратә усеицура иалацәажәеит.
Онлаин-конференциа иалахәын: Аахыҵ Кавказ адәныҟатәи аусқәа рминистр Ахсар Џьиоев, Ареспублика Никарагуа адәныҟатәи аусқәа рминистр Денис Монкада, Шьамтәылатәи Арабтә республикаҿы иҟоу Аԥсны ацҳаражәҳәаҩ Мухаммад Али, Приднестровиатәи Молдавиатәи Ареспубликаҿ иҟоу Аԥсны ахаҭарнак Александр Ватаман, «Alpha News» Ермантәыла ахьӡала москватәи аредакциа аредактор Аик Халатиан.
Аԥсны адәныҟатәи аусқәа рминистрра Амедиацентр аҿы имҩаԥысит Адәныҟатәи аусқәа рминистр Инал Арӡынбеи Ҭырқәтәыла иҟоу аԥсуа культуратә центрқәа Рфедерациа ахантәаҩ ҿыц Левент Аҭрышбеи Ҭырқәтәыла иҟоу Аԥсны азинмч змоу ахаҭарнак Ибраҳим Аҩӡбеи онлаин реицәажәара.
Цәыббра 29, 2023 шықәсазы Адәныҟатәи аусқәа рминистрраҿы имҩаԥган Аԥсны Адәныҟатәи аусқәа рминистр Инал Арӡынбеи Аахыҵ Уаԥстәыла Адәныҟатәи аусқәа рминистр Ахсар Џьиоеви реиԥылара.
Аԥсны Адәныҟатәи аусқәа рминистр Инал Арӡынба аплатформа «Аԥсны аԥеиԥш» алахәылацәа рԥылараан далацәажәеит ҳтәыла акәша-мыкәша иҟоу актуалтә политикатә ҭагылазаашьа, Аахыҵ Кавказ арегион аҟны аҭыԥ змоу аҭагылазаашаьқәа, ҳпартниор хада – Урыстәылатәи Афедерациа азыҟазаашьаҿы аԥыжәара змоу азҵаарақәа ртәы.
Стампыл иҟоу Урыстәылатәи Афедерациа Аконсулра хада аҟны имҩаԥысит Аԥсны Адәныҟатәи аусқәа рминистр Инал Арӡынбеи Стампыл иҟоу Урыстәылатәи Афедерациа аконсул хада Андреи Буравовы реиԥылара.
Аԥсны Адәныҟатәи аусқәа рминистр Инал Арӡынба апровинциа Сакариа даҭааит, ибеит хара имгакәа аусура иалагараны иҟоу Аԥсуа культуртә центр ҿыц "Адаԥазары", дрыҿцәажәеит уа инхо ҳџьынџьуаа, ирзеиӷьеишьеит ԥхьаҟатәи ақәҿиарақәа.
Сынтәа Петербургтәи жәларбжьаратәи аекономикатә Форум аҿы асас-ҳәынҭқарраны иҟалеит Еидгылоу Арабтәи Емиратқәа. Петербургтәи жәларбжьаратәи аекономикатә Форум аҳәаақәа ирҭагӡаны, хыԥхьаӡара рацәала аусмҩаԥгатәқәа мҩаԥгахеит, урҭ рхықәкы хаданы иҟалеит Еидгылоу Арабтәи Емиратқәа рекономикатә потенциал аӡыргара. Аусмҩаԥгатә зхы алазырхәыз – Аԥсны адәныҟатәи аусқәа рминистр Инал Арӡынба, Аԥсны Еидгылоу Арабтәи Емиратқәа аинвестициа-економикатә ус ацура иазхиоуп ҳәа иазгәеиҭеит.