Аԥсны Адәныҟатәи аусқәа рминистр Даур Ақаҩба Аԥсны иҟоу Урыстәылатәи Афедерациа аҷыдалкаатә напынҵақәеи азинмчнагӡеи змоу ацҳаражәҳәаҩ Алексеи Двинианин имшира идиныҳәалеит.

Изаамҭанытәиу 52-тәи Женеватәи аиҿцәажәарақәа рраунд амҩаԥысра аламҭалаз Аԥсны Адәныҟатәи аусқәа рминистрраҟны имҩаԥысит Женеватәи аиҿцәажәарақәа рыцхантәаҩцәа реиԥылара. Аԥсны Адәныҟатәи аусқәа рминистр ихаҭыԥуаҩ Иракли Ҭыжәба идикылеит Аахыҵ Кавказ азҵаарақәа рзы Евроеидгыла ахаҭарнак Тоиво Клаар, ОБСЕ ахаҭарнак ҷыда Анника Содер, ООН ахаҭарнак ҷыда Азат Лачиниан.

Аԥсни Урыстәылеи рыдәныҟаполитикатә усҳәарҭақәа рхадацәа Даур Ақаҩбеи Сергеи Лаврови, Москва аиԥылара мҩаԥыргеит хәажәкыра 3 рзы. Аганқәа алацәажәеит ҩ-ганктәи аизыҟазаашьақәа рымшхәаԥштә азҵаарақәа, 2021-2022 шықәсқәа рызтәи аконсультациақәа рыплан рнапы аҵарҩит.

Аԥсадгьыл ахьчаҩ имш азы Аԥсны Адәныҟатәи аусқәа рминистрра Ахыҵ Уаԥстәылатәи ареспублика Адәныҟатәи аусқәа рминистррахь адныҳәалара ҟанаҵеит

Аԥсадгьыл ахьчаҩ имш азы Аԥсны Адәныҟатәи аусқәа рминистрра ААхыҵ Урыстәылатәи Афедерациа Адәныҟатәи аусқәа рминистррахь адныҳәалара ҟанаҵеит.

Жәабран 21 рзы, аԥсуа литература ашьаҭаркҩы Дырмит Гәлиа имшира аҽны имҩаԥган аминистррақәа, аусбарҭақәа, аинтеллигенциа, ауааԥсыра рхаҭарнакцәа злахәыз ауснагӡатә. Аԥсны Адәныҟатәи аусқәа рминистр Даур Ақаҩба Дырмит Гәлиа ибаҟа аҿаԥхьа ашәҭшьыҵәрақәа рышьҭаҵара ацеремониа иҽалаирхәит.

Аԥсны Адәныҟатәи аусқәа рминистрраҿы имҩаԥысит Аԥсны Адәныҟатәи аусқәа рминистр Даур Ақаҩбеи Ахыҵ Уаԥстәылатәи ареспублика Адәныҟатәи аусқәа рминистр Дмитри Медоевы реиԥылара.

Жәабран 10 рзы Аԥсны иҟоу Урыстәылатәи Афедерациа Ацҳаражәҳәарҭаҿы иазгәаҭан Адипломат Имш. Ауснагӡатә иалахәын Аԥсны Адәныҟатәи аусқәа рминистр Даур Ақаҩбеи аминистр ихаҭыԥуаҩ Одиссеи Бигәааи.

Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр Сергеи Лавров адныҳәалара изынаишьҭит.

Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Приднестровие Молдавиатәи ареспублика Адәныҟатәи Аусқәа рминистр Витали Игнатьев адныҳәалара изынаишьҭит.

Жәабран 9 2021 шықәсазы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Венесуела аккредитациа зызуу адипмиссиақәа рхадацәа рвидеоконференциа далахәын, днаԥхьан адипломатиатә корпус адекан, Римтәи апапа инунциа, Иԥшьаӡара Альдо Гиордано инаԥхьарала.

Аԥсны Аҳәынҭқарра Адәныҟатәи аусқәа рминистр Даур Ақаҩба Урыстәылатәи Афедерациаҟны иҟоу Аԥсны Аҳәынҭқарра Азинмчра нагӡа змоу Ацҳаражәҳәаҩ Игор Ахба имшира идиныҳәалеит.

Аԥсны Аҳәынҭқарра Адәныҟатәи аусқәа рминистр Даур Ақаҩба Ареспублика Науру ахада, адәныҟатәи аусқәа рминистр Лаинела Роуен Еингимеа адныҳәаларатә нота азынаишьҭит, Ахьыԥшымра амш инадҳәаланы.

Ажьырныҳәа 28 рзы Аԥсны адәныҟатәи аусқәа рминистр Даур Ақаҩба дидикылеит Пакистан аусуратә еимадара ашьақәыргылара ацхырааразы ассоциациа «BACP” ахада, МОО "Землячество Пакистанцев в России" ахада, аиҿкаара "Деловои совет по сотрудничеству с Пакистаном" ахантәаҩ ихаҭыԥуаҩ Џьавад Рахман Шехриа.

ЕСПЧ Апалата Ду, ажьырныҳәа 21 азы иакьыԥхьит Аахыҵ Уаԥстәыла 2008 шықәса рзы аҭыԥ змаз ахҭысқәа рзы аҳәынҭқаррабжьаратә зашшра «Қырҭтәыла Урыстәыла иаҿагылот(II)» аганахь ала ақәҵара.

Ажьырныҳәа 22 1993 шықәса рзы анапы аҵаҩын Аԥсны Аҳәынҭқарреи Молдавиатәи Приднестровиатәи Ареспубликеи рыбжьара аиҩызареи аусеицуреи рзы Аиқәшаҳаҭра. Ари адокумент уасхырс иаиуит аҳәынҭқаррабжьаратә еизыҟазаашьа шьахә, ахы акит атәылақәа рыбжьара аусеицура арҿиара.

Ажьырныҳәа 20 рзы Молдавиатәи Приднестровиатәи ареспублика Адәныҟатәи аусқәа рминистр я Витали Игнатьев дидикылеит Молдавиатәи Приднестровиатәи ареспублика аҿы Аԥсны Аҳәынҭқарра ахаҭарнакс иҟоу Александр Ватаман.

Аԥсны Адәныҟатәи аусқәа рминистр Даур Ақаҩба Аԥсны иҟоу Молдавиатәи Приднестровиатәи ареспублика Ахаҭарнакра ахада Гарри Кәыпалба идиныҳәалеит Аԥсны иҟоу Молдавиатәи Приднестровиатәи ареспублика Ахаҭарнакра шьаҭаркуижьҭеи 14-шықәса аҵра.

Урыстәыла Адәныҟатәи аусқәа рминистр Сергеи Лавров ателеграмма изааишьҭит COVID-19 здырбалаз иколлега – Аԥсны адәныҟатәи аусқәа рминистр Даур Ақаҩба.

Аԥсны Адәныҟатәи аусқәа рминистр Даур Ақаҩбеи Урыстәыла Адәныҟатәи аусқәа рминистр Сергеи Лаврови адныҳәаларақәа еимырдеит Ашықәс ҿыци Қьырсаныҳәеи рыламҭалаз.