2024 шықәса цәыббра 2 азы Ареспублика Никарагуа иҟоу Аԥсны Аҳәынҭқарра азинмчнагӡа змоу ацҳаражәҳәаҩ Инар Ладариеи Ацҳаражәҳәарҭа абжьгаҩ Алиас Аибеи Ареспублика Никарагуа Арратә мчқәа рышьаҭаркра 45 шықәса ахыҵра аныҳәа иалахәын.

Аԥсны адәныҟатәи аусқәа рминистр Сергеи Шамба цәыббра 3 2024 шықәсазы Аԥсны ахада иҟны иаԥҵоу Аинфоцентр аҿы абрифинг мҩаԥигеит ажурналистцәа рзы.

Аԥсны адәныҟатәи аусқәа рминистр Сергеи Шамба Ареспублика Никарагуа адәныҟатәи аусқәа рминистр Денис Роналдо Монкада Колиндрес Аԥсны ахьыԥшымра азхаҵаразы Адекрет анапаҵаҩра 16 шықәса ахыҵразы адныҳәаларатә шәҟәы изынеишьҭит.

Цәыббра 3 2008 шықәса аҽны Ареспублика Никарагуа ахада Хосе Даниель Ортега Сааведра абри азы адекрет инапы аҵеиҩит.

Шьамтәылатәи Арабтә республикаҿы иҟоу Аисламтә Республика Пакистан азинмчнагӡеи анапынҵа ҷыдақәеи змоу ацҳаражәҳәаҩ Шахид Ахтар инаԥхьарала Шьамтәылатәи Арабтә республикаҿы иҟоу Аԥсны Аҳәынҭқарра азинмчнагӡеи анапынҵа ҷыдақәеи змоу ацҳаражәҳәаҩ Мухаммад Али далахәын ақалақь Хомс Аисламтә Республика Пакистан аҳаҭыртә Консулра аартра.

Шьамтәылатәи Арабтә республикаҿы иҟоу Аԥсны Аҳәынҭқарра азинмчнагӡеи анапынҵа ҷыдақәеи змоу ацҳаражәҳәаҩ Мухаммад Али Шьамтәыла ааглыхратәии ахәаахәҭратәии сектор ахаҭарнакцәа дырԥылеит.

Аԥсны адәныҟатәи аусқәа рминистр Сергеи Шамба агазеҭ «Известия» аинтервиу аиҭеит

Нанҳәамза 30 – хабарда ибжьаӡыз ргәалашәара Жәларбжьаратәи Амш азгәарҭоит.

Ливантәи Ареспублика уаанӡатәи аԥыза-министр, адоктор Салим Ель-Хосс иԥсҭазаара иалҵра инадҳәаланы Шьамтәыла иҟоу Аԥсны азинмчнагӡеи анапынҵа ҷыдақәеи змоу ацҳаражәҳәаҩ Муҳаммад Али Дамаск иҟоу Ливан Ацҳаражәҳәарҭа даҭааит, Ливантәи Ареспублика Ацҳаражәҳәарҭа аусқәа аамҭала знапы иану Талал Дахер дидашшылеит.

Нанҳәамза 26 рзы Урыстәылатәи Афедерациа ала официалла Аԥсни Аахыҵ Уаԥстәылеи рхьыԥшымра азхаҵара амш 16-шықәса ахыҵра аҽны Приднесторовтәи Молдавтәи Ареспублика аҿы иҟоу Ареспублика Аԥсны Аофициалтә Хаҭарнакра аҿы аҩ-республикак рофициалтә хаҭарнакцәа еицымҩаԥыргаз адкылара мҩаԥысит.