Ажәабжь ҿыцқәа
Иахьа, Приднестровиатәи Молдавиатәи Ареспублика Аконституциатә ӡбарҭаҿы, ПМР Аконституциатә ӡбарҭа ахантәаҩы Олег Кабалоеви Приднестровие иҟоу Аԥсны азинмчы змоу ахаҭарнак Александр Ватамани русуратә еиԥылара мҩаԥысит.
22 May 2025 19
Ҳазҭоу ашықәс лаҵара 22 рзы Аԥсны Аҳәынҭқарра адәныҟатәи аусқәа рминистр Олег Барцыц А.Пушкин ихьӡ зху Аҟәатәи аҩбатәи абжьаратә школ даҭааит, аушьҭымҭацәа ашкол аҿы рҵара ахыркәшара рыдиныҳәалеит.
Ареспублика Никарагуа иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи Афронт Полисарио аԥҵара 52 шықәса ахыҵреи Мраҭашәаратәи Сахара ажәлар испаниатәи аколониализм иаҿагыланы бџьаршьҭыхла ақәԥара ралагареи ирызку аусмҩаԥгатә рхы аладырхәит.
21 May 2025 33
Лаҵара 20 азы, Москва усуратә ҟазшьала иҟазаара аҳәаақәа ирҭагӡаны, Аԥсны Аҳәынҭқарра адәныҟатәи аусқәа рминистр ихаҭыԥуаҩ инапынҵақәа назыгӡо О.М. Бигәаа Приднестровиатәи Молдавиатәи Ареспублика адәныҟатәи аусқәа рминистр ихаҭыԥуаҩ А.П. Стациукдиԥылеит.
21 May 2025 28
2025 шықәса лаҵара 21 азы XIX ашәышықәсазы имҩаԥысуаз урыстәыла-кавказтәи аибашьра еилгеижьҭеи 161 шықәса ҵуеит. Аибашьра иахҟьаны зықьҩыла аԥсуаа рҭоурыхтә ԥсадгьыл ааныжьны Ҭырқәтәылеи Мрагылара Ааигәа атәылақәеи рҟны ахыҵакырҭа рыԥшаар акәхеит.
Приднестровиатәи Молдавиатәи Ареспублика адәныҟатәи аусқәа рминистрраҿы имҩаԥысит ПМР адәныҟатәи аусқәа рминистр Витали Игнатиеви ПМР иҟоу Аԥсны Аҳәынҭқарра адәныҟатәи аусқәа рминистрра ахаҭарнак Александр Ватамани реиԥылара.
Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи рхы аладырхәит Ареспублика Куба амилаҭтә фырхаҵа, ашәҟәыҩҩы, атәыла ахьыԥшымра азықәԥаҩ Хосе Марти аибашьраҿы фырхаҵарыла дҭахеижьҭеи 130 шықәса аҵра иазкыз аусмҩаԥгатә ду.
Аԥсны Аҳәынҭқарра адәныҟатәи аусқәа рминистр Олег Барцыц Аԥсны адәныҟатәи аусқәа Рминистрра аԥҵара 32 шықәса ахыҵра инамаданы адныҳәаларақәа шизаиц изаауеит.
Шьамтәылатәи Арабтә Республика Адәныҟатәи аусқәеи аҳәаанырцә иҟоу аџьынџьуаа русқәеи рминистрра ахылаԥшрала, Шьамтәыла аспорти аҿар русқәеи рминистрра ацхыраарала, насгьы Шьамтәылатәи Арабтә Республикаҿы аккредитациа змоу Ацҳаражәҳәарҭақәеи адипломатиатә миссиақәеи (Аԥсны, Баҳреин, Урыстәыла, Саудтәи Аравиа, Азербаиџьан, Тунис, Еиду Арабтә Емиратқәа, Катар, Пакистан, Филиппины, Мысра, Индонезиа, Судан, Парагваи рылахәхарала, ООН-и Шьамтәылеи рхаҭарнакцәа рыҟазаарала), астолтә мқьаҭымпыл азы адипломаттә турнир лаҵара 16-17 рзы Дамаск ақалақь аҿы имҩаԥысит.