Аԥсны Аҳәынҭқарра Адәныҟатәи
аусқәа рминистрра

Ministry of Foreign Affairs of the
Republic of Abkhazia

Урыстәыла Ацҳаражәҳәарҭаҟны Вишерневаа рмемориалтә ӷәы кыдҵоуп

Урыстәыла Ацҳаражәҳәарҭаҟны Вишерневаа рмемориалтә ӷәы кыдҵоуп
8 February 2018 202
2013 шықәса цәыббра 9 рзы зыԥсҭазаара иалхыз Аԥсны иҟоу Урыстәыла Ацҳаражәҳәарҭа актәи амаӡаныҟәгаҩ, авице-консул Дмитри Вишерневи иара иԥшәмаԥҳәыс Ольга Вишерневи рмемориалтә ӷәы кыдҵоуп Аԥсны иҟоу Урыстәыла Ацҳаражәҳәарҭаҟны 2018 шықәса, жәабран 8 рзы.

Жәабран 10 рзы Урыстәыла иазгәарҭоит адипломатиатә усзуҩ Имш. Москва абарҭ амшқәа рзы иргәаладыршәоит еиуеиԥшым ашықәсқәа рзы зыԥсадгьыл аҿаԥхьа зуалԥшьа анагӡараан, Аџьынџьтәылатә еибашьра ду аан аума, арепрессиақәа ианраамҭаз аума, аҭынч ԥсҭазаараан аума зыԥсҭазаарақәа ҿахҵәаз» - иҳәеит Аԥсны Аҳәынҭқарраҿы Урыстәылатәи Афедерациа Ацҳаражәҳәаҩ Семен Григорьев.

Аԥсны Урыстәылатәи Ацҳаражәҳәарҭа аусура аамҭа рацәак шымцацгьы аҭыԥ амоуп угәы узырхьша ахҭысқә иҳәеит иара.

"2013 шықәса цәыббра 9 рзы Аԥсны иҟоу Урыстәыла Ацҳаражәҳәарҭа актәи амаӡаныҟәгаҩ, авице-консул Дмитри Вишерневи иара иԥшәмаԥҳәыс Ольга Вишерневи рыԥсҭазаара иалхын. Ҳара ҳзы уи даара ихьаа бааԥсхеит. Иахьа урҭ ргәалашәара анаӡаӡатәразы ҿыц иргылоу Ацҳаражәҳәарҭа ахыбраҿы икыдҵахоит амемориалтә ӷәы» - иҳәеит Григорьев.

Ацҳааржәҳәаҩ ҭабуп ҳәа реиҳәеит ареспублика амчратә еилазаарақәа ацәгьоура ахьаадырԥшыз азы. Ацәгьоуҩы Иусуп Лакаев Қырҭтәылаҟа аҳәаа дахысны иҽиҵәахит. Уаҟа иара аҽа цәгьарак ахьиуз иахҟьаны уажәы дҭакуп. Иара Урыстәылатәи Афедерациахь иҭаразы аицәажәарақәа мҩаԥысуеит.

Амемориалтә ӷәы акыдҵара ацеремониа иалахәыз Аԥсны Адәныҟатәи аусқәа рминистр ихаҭыԥуаҩ Кан Ҭаниа иазиԥхьаӡоит Вишерневаа рышьра аԥсуа-аурыс еизыҟазаашьақәа рыҵшәаароуп иизырхаз ҳәа.

Аԥсны иҟоу Урыстәыла Ацҳаражәҳәарҭа актәи амаӡаныҟәгаҩ, авице-консул Дмитри Вишернев дшьын Аҟәа ақаалқь аҟны 2013 шықәса цәыббра 9 рзы. Иара иԥшәмаԥҳәыс Ольга Вишернева, илоуз ахәрақәа ирыхҟьаны лыԥсҭазаара далҵит Ареспубликатә хәышәтәырҭаҿы цәыббра 14 рзы.

Материалы по теме

 
 
 

12 октября 1999 года был принят Акт о государственной независимости Республики Абхазия

12.10.2018

О встрече Министра иностранных дел Республики Абхазия Даура Кове с Министром иностранных дел Республики Южная Осетия Дмитрием Медоевым

03.10.2018

Аԥсны Ахада ихьӡала иаауеит адышшыларатә шәҟәқәа

11.09.2018

Аԥсны Ахаҭарнакрақәа рҿы адышшыларатә шәҟәқәа хдыртит

10.09.2018

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: