Ҭырқәтәыла иҟоу Аԥсуа культуратә центрқәа Рфедерациа ахантәаҩы Мураҭ Махариа Афедерациа ахьӡала аҳәамҭа ҟаиҵеит Аԥсны ООН аҳәынҭқарра-наԥшҩы астатус аҭаразы Инал Арӡынба иажәалагала адгылара шарҭо азы.

Жәабран 16 азы Манагуа имҩаԥысит Ареспублика Никарагуа ахь инашьҭу азинмч нагӡеи анапынҵа ҷыдақәеи змоу Аԥсны Аҳәынҭқарра ацҳаражәҳәаҩ Инар Ладариа Никарагуа Адәныҟатәи аусқәа рминистр Денис Монкада Агәраргагатә шәҟәқәа анииҭоз ацеремониа.

Аԥсны Адәныҟатәи аусқәа рминистр Инал Арӡынбеи Урыстәыла ААР аинформациеи акьыԥхьи  рдепартамент адиректор,  Урыстәыла ААР аофициалтә хаҭарнак Мариа Захаровеи аиԥылара мҩаԥыргеит Москва.

Аԥсны адәныҟатәи аусқәа рминистр Инал Арӡынба Москва ателеканал "Russia Today", МИА "Россия сегодня", аинформациатә маҵзура "Sputnik" редактор хада Маргарита Симониан лԥылараан Аԥсны ААР амедиацентр аусура амеханизм иалацәажәеит.

Ацентр ацхыраара рнаҭалоит еиҳа аҟыбаҩ ҷыда злоу Аԥснытәи аҿар, Урыстәыла иреиӷьу аҵаратә усҳәарҭақәа рҿы аҵараҵарази астажировка рахысрази. Ацентр амеханизм аамҭакала аус ацнаулоит Россотрудничество.

Аԥсны Адәныҟатәи аусқәа рминистр Инал Арӡынбеи ЕАР Адунеизегьтәи афедерациа ахада ихаҭыԥуаҩ, ЕАР ацхраараз Урыстәылатәи ассоциациа ахантәаҩы актәи ихаҭыԥуаҩ Алексеи Борисови реиԥылараан Инал Арӡынба ЕАР Амаӡаныҟәгаҩ хада Антониу Гутерриш ихьӡала ашәҟәы ишьҭит. Арӡынба Аԥсны Аҳәынҭқарра ЕАР аҿы аҳәынҭқарра-наԥшҩы астатус аиҭарц ааԥхьара ҟаиҵоит, уи ЕАР Ассамблеиа хадаҿы имҩаԥысуа аимак-аиҿак алахәхара алнаршоит ҳәа азгәаҭаны.

Жәабран 10 азы имҩаԥысит Приднистровиатәи Молдавиатәи Ареспублика аҟны иҟоу Аԥсны ахаҭарнак Александр Ватамани Приднистровиатәи Молдавиатәи Ареспублика аҟны иҟоу Аахыҵ Уаԥстәыла ахаҭарнак Витали Ианковскии Приднистровиатәи Молдавиатәи Ареспублика Иреиҳаӡоу ахеилак ахантәаҩы Александр Коршуновы реиԥылара. 

Иахьа Аԥсны адәныҟатәи аусқәа рминистр Инал Арӡынба Москва диԥылеит Урыстәылеи Белоруссиеи Реидгылатә ҳәынҭқарра амаӡаныҟәгаҩ хада Дмитри Мезенцев.

Жәабран 9 азы Италиа адепутатцәа рпалатаҿ имҩаԥысит аконференциа - «Ахалахатәҳәаақәҵаразы ажәларқәа рзин. Аԥсни Европа дуи».

Аԥсны Аҳәынҭқарра Адәныҟатәи Аусқәа рминистр Инал Арӡынба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр Сергеи Лавров адныҳәалара изынаишьҭит.

Аԥсны Аҳәынҭқарра Адәныҟатәи Аусқәа рминистр Инал Арӡынба ПМА адипломатиатә маҵзура аусзуҩы имш инадҳәаланы Приднестровиатәи Молдавиатәи ареспублика Адәныҟатәи Аусқәа рминистр Витали Игнатьев адныҳәалара изынаишьҭит.

Аԥсны Адәныҟатәи аусқәа рминистр Инал Арӡынба Москва диԥылеит Ихьыԥшым Аҳәынҭқаррақәа русқәеи аҳәаанырцә инхо аџьынџьуааи, жәларбжьаратәи агуманитартә усеицуреи рзы Афедералтә маҵзура (Россотрудничество) аиҳабы Евгени Примаков.

Урыстәылатәи Афедерациаҿы иҟоу Аԥсны Аҳәынҭқарра Ацҳаражәҳәарҭаҿы имҩаԥысит Аԥсны адәныҟатәи аусқәа рминистр Инал Арӡынбеи ООН Адунеизегьтә федерациа ахада ихаҭыԥуаҩ, ООН ацхраараз Урыстәылатәи ассоциациа ахантәаҩ актәи ихаҭыԥуаҩ Алексеи Борисовы еиԥылеит.

Аԥсны адәныҟатәи аусқәа рминистр Инал Арӡынба Москваҟа усутә ныҟәарыла амҩа дықәлеит.

Ареспублика Беларусь ахада Александр Лукашенко, Минск Аԥсны Аҳәынҭқарра азханаҵар алшоит ҳәа иҟаиҵаз иҳәамҭа азхьаԥшра аҳҭеит.

Ажьырныҳәа 22 2022 шықәса рзы иҵит 29 шықәса анапы аҵаҩуижьҭеи Аԥсны Аҳәынҭқарреи Молдавиатәи Приднестровиатәи Ареспубликеи рыбжьара аиҩызареи аусеицуреи рзы Аиқәшаҳаҭра.

Аԥсны Аконституциа ахәҭаҷ 53 инақәыршәаны Аԥсны ахада атәыла адәныҟаполитикатә усура ахырхарҭақәа ҳәаақәиҵоит. Аԥсны ахада иусдҵа «Аԥсны Аҳәынҭқарра адәныҟатәи аусқәа рминистрра иаку адәныҟатә политика амҩаԥгараҿы акоордининациаҟаҵаратә роль» (06. 11. 2006 ш.) инақәыршәаны Аԥсны ахада иусдҵала Аԥсны адәныҟатәи аусқәа рминистрра аҳәынҭқарра адәныҟатә политика ахырхарҭа хадақәа ҳәаақәнаҵалоит жәларбжьаратәи аиҿкаарақәа рнырраҿы, азеиԥш хылаԥшра ҟанаҵоит ареспублика аҿаԥхьа жәларбжьаратә хыдҵақәа рынагӡашьазы. Убри инадҳәаланы Аԥсны адәныҟатәи аусқәа рминистрра Аԥсны адәныҟатәи аполитика иаку иззеиқәшаҳаҭу усхкны аҟаҵаразы аусура арӷәӷәоит

Аԥсны адәныҟатәи аусқәа рминистр Инал Арӡынба ареспубликаҿы аус зуа жәларбжьаратәи еиҳабыратәым аиҿкаарақәа рхаҭарнакцәа: Аԥсны иҟоу ПРООН аофис ахада Рафис Абазов, аиҿкаара World Vision Аԥсны иҟоу ахада Оксана Лашәриаԥҳа, ахҵәацәа рзы Даниатәи Ахеилак акоординатор Ада Џьынџьалԥҳа идикылеит.

Аԥсны Адәныҟатәи аусқәа рминистр Инал Арӡынба Аԥсны иҟоу Молдавиатәи Приднестровиатәи ареспублика Ахаҭарнакра ахада Гарри Кәыпалба идиныҳәалеит Аԥсны иҟоу Молдавиатәи Приднестровиатәи ареспублика Ахаҭарнакра шьаҭаркуижьҭеи 15-шықәса аҵра.

Ажьырныҳәа 17 азы Аԥсны адәныҟатәи аусқәа рминистрраҿы имҩаԥысит аминистр Инал Арӡынбеи Ҭырқәтәыла иҟоу Аԥсуа культуратә центрқәа рфедерациа ахантәаҩы Мураҭ Махариеи аԥсуа диаспора ахаҭарнакцәеи реиԥылара.