Цәыббра 13-16 рзы Аԥсны Адәныҟатәи аусқәа рминистрраҟны иҟоу Адипломат ҿарацәа Реидгыла аҟны иҟоу АҿР аделегациа Урыстәыла Адәныҟатәи аусқәа рминистрра адипломат ҿарацәа Рхеилак анапхгара ааԥхьарала иалахәын адипломатцәа ҿарацәа IX Рглобалтә Форум "Абиԥара ҿыц Рдипломатиа: аглобалтә напхгараҭара асистема аиӷьтәраҿы аҿар рроль". Уи мҩаԥысуан Екатеринбург Жәларбжьаратәи аҿар рфестиваль аҳәаа иҭагӡаны, Россотрудничество, апрограмма "Абиԥара ҿыц", Адунеизегьтәи аҿар рфестиваль Адирекциа рыцхыраарала.

Аԥсны Адәныҟатәи аусқәа рминистрра Ареспублика Никарагуа Адәныҟатәи аусқәа рминистрра Ареспублика Никарагуа ахьыԥшымра 205 шықәса ахыҵра инамаданы адныҳәалара азынанашьҭит.

Екатеринбург имҩаԥысуаз жәларбжьаратәи аҿар рфестиваль адәқәа рҿы агастрономиатә фестиваль аҳәаақәа ирҭагӡаны имҩаԥысит аԥснытәи аделегациеи Урыстәылатәи Афедерациа ахада Иусбарҭа анапхгаҩы актәи ихаҭыԥуаҩ, Афестиваль аиҿкааратә еилакы ахантәаҩы Сергеи Кириенкои Урыстәылатәи Афедерациа Аиҳабыра рхантәаҩы ихаҭыԥуаҩ Дмитри Чернышенкои иформалтәым реиԥылара.

Цәыббрамза 13, 2026 шықәса рзы Екатеринбург, аконгресс-цәыргақәҵатә центр «Екатеринбург-ЕКСПО» аплошьадкаҿы Жәларбжьаратәи аҿар рфестиваль аартра иазкыз аныҳәатә церемониа мҩаԥысит. Аусмҩаԥгатә ихы алаирхәит Аԥсны адәныҟатәи аусқәа рминистр Олег Барцыц.

Хьыбла Гьерзмааԥҳаи Пиотр Востоков иџьазтә оркестр Дуи Смоленско-Сеннтәи ашҭаҿы Урыстәыла АдәАР аҩныҳарак аҿы иқәгылеит.

Цәыббрамза 10, 2026 шықәса рзы Ареспублика Никарагуа Адәныҟатәи аусқәа рминистрраҿы Ареспублика Никарагуа иҟоу аҷыдалкаатә Зинмчы змоу Аԥсны Аҳәынҭқарра ацҳаражәҳәаҩ Алиас Аибеи Ацҳаражәҳәарҭа абжьгаҩ-ацҳаражәҳәаҩ Наур Хышбеи Ареспублика Никарагуа Адәныҟатәи аусқәа рминистр ихаҭыԥуаҩ Иван Лареи реиԥылара мҩаԥысит.

Аԥсны Адәныҟатәи аусқәа рминистрра Никарагуа Адәныҟатәи аусқәа рминистррахь анота нанашьҭит Аԥсны Аҳәынҭқарреи Ареспублика Никарагуеи рыбжьара адипломатиатә еизыҟазаашьақәа шьақәгылеижьҭеи 17 шықәса аҵра инамаданы.

Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела Адәныҟатәи аусқәеи жәларбжьаратәи ахәаахәҭреи рминистр Феликс Рамон Пласенсиа Гонсалес анота изишьҭит Боливариантәи Ареспублика Венесуела Аԥсны ахьыԥшымреи аҳәынҭқарратә суверенитети азханаҵеижьҭеи ажәибжь шықәса аҵра инамаданы.

Аԥсны Аҳәынҭқарра Адәныҟатәи аусқәа рминистр Олег Барцыц аусуратә ныҟәара мҩаԥигеит Гал араион ахь.

Аԥсны Аҳәынҭқарра Адәныҟатәи аусқәа рминистр Олег Барцыц Афедеративтә Республика Германиа иҟоу Аԥсны Аҳәынҭқарра азинмчы Змоу ахаҭарнак Хьыбла Амҷԥҳа лымшира лыдиныҳәалеит.