Ҭырқәтәылатәи Ареспубликаҿы иҟоу Аԥсны Аҳәынҭқарра азинмчы змоу Ахаҭарнакраҿы аԥснытәи ассоциациақәа Рфедерациа ахаҭарнакцәа — ахантәаҩы Иавуз Илкучар (Аҭыршба), амаӡаныҟәгаҩ хада Шамиль Зерен (Иашба), Биулен Барыш (Печлиа), Аԥсардаҳан Озташ (Быџь), Џьанкат Елкат (Аубых), Иара убас Аԥснытәи Акультуратә Центр «Дарыери» ахантәаҩы Аҭанур Аксои (Акуспа) алархәны, аԥшьгаратә гәыԥ «Аԥсны аҭахкаара аанкылатәуп» ахаҭарнакцәа— Џьенгиз Гиуль (Гогәуа), Аныт Бабы (Пабба), Ульви Озџьан (Хукши), Аҳмеҭ Бабаоглу, Бильге Екен, Дилара Ҭан (Кабыԥсы) алахәны аконсультативтә еиԥылара мҩаԥысит.

Урыстәылатәи Афедерациаҿы иҟоу Аԥсны Аҳәынҭқарра Ацҳаражәҳәарҭа абжьгаҩ Нури Хәарцкьиа урыстәыла-африкатәи адиалог азы аплошьадка аӡыргара аҳәаақәа ирҭагӡаны Москва имҩаԥысыз жәлар рдипломатиа Ацентр еиҿнакааз адипломатиатә дкылара ихы алаирхәит.

Нанҳәа 8-9 рзы Ареспублика Никарагуа аҳҭнықалақь Манагуа имҩаԥысит 40 инареиҳаны атәылақәа рхаҭарнакцәа еидызкылаз итрадициатәу есышықәсатәи аԥхынтәи акультура-гастрономиатә фестиваль.

Аԥсны адәныҟатәи аусқәа рминистрра Аахыҵ Уаԥстәыла адәныҟатәи аусқәа рминистррахь адышшылара нанашьҭит Қырҭтәыла Аахыҵ Уаԥстәыла иаҿагыланы бџьаршьҭыхлатәи агрессиа иалагеижьҭеи 18 шықәса аҵра инадҳәаланы.

Нанҳәамза 6, 2026 шықәса рзы Шьамтәылатәи Арабтә Республика акультура Аминистрра ааԥхьарала Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Муҳаммад Али 2026 шықәсазы Дамасктәи ахырӷәӷәарҭаҿы имҩаԥысуаз Шьамтәылатәи аԥхынтәи аҭаацәаратә фестиваль аартра ихы алаирхәит.

Аԥсны адәныҟатәи аусқәа рминистрра иахәҭаны иаԥхьаӡоит 1992-1993 шықәсқәа рзы Қырҭтәыла бџьаршьҭыхлатәи агрессиа амҩаԥгараан, аԥсуа жәлар ирҿагыланы имҩаԥгаз арратә цәгьоурақәа рзы иаартны ииҳәаз инамаданы, уаанӡатәи аԥыза-министр ихаҭыԥуаҩ, Қырҭтәыла аҳәынҭминистр Гьаргь Барамиӡе иганахьала ашьаус ахацыркра ахҳәаа аҭара.

Нанҳәамза 6, 2026 шықәса рзы Аԥсны Адәныҟатәи аусқәа рминистр Олег Барцыци Ростов-На-Дону иҟоу Аԥсны аҳаҭыртә консул Адик Аршбеи аусуратә еиԥылара мҩаԥыргеит.

Шьамтәылатәи Арабтә Республика аекономикеи ааглыхреи рминистрра ацхыраарала Шьамтәылатәи Арабтә Республикаҿы иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Муҳаммад Али ааглыхратә гәыԥ «Машхадани» еиҿнакааз иҷыдоу ааглыхратә цәыргақәҵақәа хԥа раартра ацеремониа ихы алаирхәит.

Нанҳәамза 4 рзы Аԥсны Адәныҟатәи аусқәа рминистрраҿы адомино азы Аԥсны ачемпионат аҟны аиааира згази аԥхьахәгаҩцәеи аҳамҭақәа ранашьара ацеремониа мҩаԥысит.

Аԥсны Адәныҟатәи аусқәа рминистр Олег Барцыц Боливариантәи Ареспублика Венесуела иҟоу Аԥсны Аҳәынҭқарра аҷыдалкаатәз змоу ацҳаражәҳәаҩ Заур Ӷәаџьаа имшира идиныҳәалеит.

2026 шықәса нанҳәамза 4 рзы Аԥсны Аҳәынҭқарра Адәныҟатәи аусқәа рминистр Олег Барцыц Жәлар рдипломатиа Ацентр адиректор хада, жәларбжьаратәи аусқәа рзы Аҳәынҭқарратә Дума аилак алахәыла Дмитри Савельев диԥылеит.

Жәларбжьаратәи аԥхынтәи аџьынџьуаа рҿартә лагер «Ахьышьтрахь-2026» ахԥатәи аетап хыркәшахеит

Аԥсны Адәныҟатәи аусқәа рминистрра гәалсра дула иазгәанаҭоит зеиԥш ҟамлац, инеиԥынкыланы адәныҟатәи ақәыӷәӷәара инамаданы ирыдыркылаз Аԥсны Аҳәынҭқарреи иареи рдипломатиатә еизыҟазаашьақәа раанкыларазы Ареспублика Науру иаднакылаз аӡбамҭа амчыла ҟазшьа шамоу.

Ҭырқәтәылатәи Ареспублика аҟны иҟоу Аԥсны Аҳәынҭқарра азинмчы нагӡа змоу ахаҭарнак Ибраҳим Аҩӡба дидикылеит Ҭырқәтәыла иҟоу Урыстәылатәи Афедерациа ацҳаражәҳәаҩ Сергеи Вершинин

Ԥхынгәымза 24, 2026 шықәса рзы Аԥсны Адәныҟатәи аусқәа рминистр Олег Барцыци Аԥсны иҟоу аҷыдалкаатә зинмчы змоу Урыстәылатәи Афедерациа ацҳаражәҳәаҩ Виачеслав Гладкови реиԥылара мҩаԥысит.

Аԥсны Адәныҟатәи аусқәа рминистрра Боливариантәи Ареспублика Венесуела Адәныҟатәи аусқәеи адәныҟатәи ахәаахәҭреи рминистрра адныҳәаларатә нота азынанашьҭит Аԥсны Аҳәынҭқарреи Боливариантәи Ареспублика Венесуелеи рыбжьара адипломатиатә еизыҟазаашьақәа шьақәгылеижьҭеи жәаф шықәса аҵра инамаданы.

Ԥхынгәы 23 рзы Аԥсны иазгәарҭоит Аҳәынҭқарратә бираҟ Амш. Аныҳәа шьаҭаркуп рашәарамза 3, 2005 шықәсазы иҭыжьыз Аԥсны Аҳәынҭқарра Азакәан № 1056-С-XIV ашьаҭала, иагьазкуп Владислав Григори-иԥа Арӡынба ихантәаҩрала ԥхынгәымза 23, 1992 шықәсазы Аԥсны Иреиҳаӡоу Асовет аҭоурыхтә ӡбара.

Аекономикеи ааглыхреи рминистрреи, жәларбжьаратәи ацәыргақәҵақәеи аџьырмыкьақәеи Русбарҭеи рааԥхьарала Шьамтәылатәи Арабтә Республикаҿы Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Муҳаммад Али 63-тәи Дамастәи Жәларбжьаратәи аџьармыкьа аусмҩаԥгатәқәа рыпрограмма аӡыргара иазкыз аофициалтә пресс-конференциа ихы алаирхәит.

Ԥхынгәымза 19, 2026 шықәса рзы Ареспублика Никарагуа Адәныҟатәи аусқәа рминистрра ааԥхьарала Ареспублика Никарагуа иҟоу аҷыдалкаатә зинмчы змоу Аԥсны ацҳаражәҳәаҩ Алиас Аибеи Ацҳаражәҳәарҭа абжьгаҩ-ацҳаражәҳәаҩ Наур Хышбеи Асандинисттә револиуциа 47-шықәса ахыҵра иазкыз аныҳәа рхы аладырхәит.

Аԥсны Адәныҟатәи аусқәа рминистр Олег Барцыц Ареспублика Никарагуа Адәныҟатәи аусқәа рминистрцәа Денис Роналдо Монкад Колиндреси Вальдрак Лиудвинг Џьентск Уитакери дрыдныҳәалеит Асандинисттә револиуциа Аиааира 47 шықәса ахыҵра инамаданы.