Ажәабжь ҿыцқәа
2025 шықәса рашәара 20 азы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела иҟоу Урыстәылатәи Афедерациа ацҳаражәҳәаҩ Сергеи Мелик-Бадагдасаров инаԥхьарала аусмҩаԥгатә "Агәалашәара ацәашьы" ихы алаирхәит.
Ареспублика Никарагуа иҟоу Урыстәылатәи Афедерациа ацҳаражәҳәаҩ Михаил Леденев инаԥхьарала Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа абжьгаҩ Алиас Аибеи Урыстәыла Амш иазкыз ауснагӡатә иалахәын.
Рашәара 10 азы Каракас, Боливариантәи Ареспублика Венесуела иҟоу Урыстәылатәи Афедерациа ацҳаражәҳәаҩ Сергея Мелик-Багдасаров инаԥхьарала Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Урыстәыла Амш иазкыз ауснагӡатә далахәын.
2025 шықәса рашәара 5 азы Боливариатәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Латинтәи Америка Карибтәи аекономикатә Система Иааиԥмырҟьаӡакәа аус зуа Амаӡаныҟәгарҭа (СЕЛА) ацҳаражәҳәаҩ Кларенс Ендара инапхьарала, CEЛA ашьаҭаркратә документ – Панаматәи Аиқәшаҳаҭра анапаҵыҩра 50 шықәса ахыҵра ихы алаирхәит.
Рашәара 5 азы Приднестровиатәи Молдавиатәи Ареспублика Иреиҳаӡоу Ахеилак ахантәаҩы Александр Коршунови Приднестровие иҟоу Аԥсны Аҳәынҭқарра азинмчы змоу ахаҭарнак Александр Ватамани Приднестровие иҟоу Аахыҵ Уаԥстәылатәи Ареспублика Аофициалтә хаҭарнакра анапхгаҩы Витали Ианковскии реиԥылара мҩаԥысит.
Приднестровиатәи Молдавиатәи Ареспублика адәныҟатәи аусқәа рминистрраҿы ареспублика адәныҟатәи аусқәа рминистр ихаҭыԥуаҩ Александр Стециуки Аԥсны Аҳәынҭқарра ахаҭарнак Александр Ватамани реиԥылара мҩаԥысит.
Приднестровиатәи Молдавиатәи Ареспублика иҟоу Аԥсны Аҳәынҭқарра аофициалтә Хаҭарнакра аԥшьгарала, Приднестровиа иҟоу азинмчы змоу Аԥсны ахаҭарнак Александр Ватамани ақалақьқәа Тираспольи Днестровски рхада И. Тиуриаеви Бендера ақалақь жәлар рдепутатцәа Рхеилак ахантәаҩы Иу. Кареи еиԥылеит.
Иахьа, Приднестровиатәи Молдавиатәи Ареспублика Аконституциатә ӡбарҭаҿы, ПМР Аконституциатә ӡбарҭа ахантәаҩы Олег Кабалоеви Приднестровие иҟоу Аԥсны азинмчы змоу ахаҭарнак Александр Ватамани русуратә еиԥылара мҩаԥысит.
Ареспублика Никарагуа иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи Афронт Полисарио аԥҵара 52 шықәса ахыҵреи Мраҭашәаратәи Сахара ажәлар испаниатәи аколониализм иаҿагыланы бџьаршьҭыхла ақәԥара ралагареи ирызку аусмҩаԥгатә рхы аладырхәит.