Аахыҵ Уаԥстәылатәи Ареспублика адәныҟатәи аусқәа Рминистрра Аԥсны Аҳәынҭқарра адәныҟатәи аусқәа Рминистррахь адашшыларатә шәҟәы аарышьҭит Гал араион Папанырхәа ақыҭан иҟалаз абылра иахҟьаны ахәыҷқәа рҭахара инамаданы.

Гал араион Папанырхәа ақыҭан амцакра иахҟьаны хәҩык ахәыҷқәа ахьҭахаз арыцҳара инамаданы, Аԥсны Аҳәынҭқарра ахада инапынҵақәа назыгӡо Бадра Гәынба иқәҵарала ажьырныҳәамза 6 Аԥсны лахьеиқәҵаратә мшны ишьоуп.

2024 шықәса ԥхынҷкәынмза 19 рзы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела адәныҟатәи аусқәа рминистр Иван Хиль Пинто иҟаиҵаз ааԥхьарала, ашықәс анҵәамҭеи иааиуа Қьырса ныҳәеи Ашықәс ҿыцтәи аныҳәақәеи ирызкны Венесуела аккредитациа змоу адипломатиатә хаҭарнакцәа ирзымҩаԥгаз аныҳәатә усмҩаԥгатә ихы алаирхәит. Аиԥылара мҩаԥысит Венесуела адәныҟатәи аусқәа рминистрраҿы.

2024 шықәса ԥхынҷкәынмза 18 рзы, Ареспублика Никарагуа иҟоу Урыстәылатәи Афедерациа ацҳаражәҳәаҩ Михаил Ледениов инаԥхьарала, Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариа Урыстәылеи Никарагуеи рыбжьара адипломатиатә еизыҟазаашьақәа рышьақәгылара 80- шықәса ахыҵра иазкыз аныҳәатә-дкылара ихы алаирхәит.

2024 шықәса ԥхынҷкәынмза 17 рзы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела Адәныҟатәи Аусқәа Рминистрра ааԥхьарала Симон Боливар иԥсҭазаара далҵижьҭеи 194 шықәса аҵра инамаданы имҩаԥгаз ацеремониа ихы алаирхәит.

Аԥсны Аҳәынҭқарра Адәныҟатәи аусқәа  рминистрра  адипломат, аԥсадгьыл атәылауаҩ, апатриот, 1992-1993 шықәсқәа рызтәи  Аџьынџьтәылатә еибашьра хатәгәаԥхарала иалахәыз Аҭрышба Кавказ Камиль иԥсҭазаара иалҵра инамаданы агәалсра ду аанарԥшуеит.

32 шықәса раԥхьа, ԥхынҷкәын 14, 1992 шықәса рзы иҟалеит Аԥсны жәлар Рџьынџьтәылатә еибашьраан реиҳа ихлымӡааххаз арыцҳара.

Аԥсны Аҳәынҭқарра адәныҟатәи аусқәа Рминистрра Урыстәыла Аконституциа Амш азгәаҭара инамаданы Урыстәылатәи Афедерациа адәныҟатәи аусқәа Рминистррахь адныҳәаларатә шәҟәы нанашьҭит.

2024 шықәса ԥхынҷкәын 11 рзы Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Венесуела адәныҟатәи аусқәа Рминистрра ааԥхьарала, Аиакучо амҵан аибашьра 200 шықәса ахыҵра иазкыз ацеремониа ихы алаирхәит.

Аԥсны анапхгареи ажәлари Шьамтәыла имҩаԥысуа ахҭысқәа рыхшыҩ азышьҭны ирыцклаԥшуеит.