Нанҳәа 15 азы Аахыҵ Уаԥстәыла иҟоу Аԥсны Ацҳаражәҳәарҭаҿы Хатәгәаԥхарала аибашьҩы Имш азы адкылара мҩаԥган.

Еиду амилиҭқәа реиҿкаара Ашәарҭадаратә Хеилак алахәылацәа – Франциа, Иапониа, Мальта, Словениа, Британиа Ду, Еиду аштатқәа, иара убасгьы ԥхьаҟа уи иалахәылахараны иҟоу – Даниа, Бырзентәыла рыхьӡала Мальта еснагьтәи ахаҭарнак ихаҭыԥуаҩ Франчески Гатт иҳәамҭа ҳазыӡырҩит. Аҳәамҭаҿы иазгәаҭоуп Аԥсны Аҳәынҭқарреи Аахыҵ Уаԥстәылатәи Ареспубликеи «Қырҭтәыла иузаҟәымыҭхо хәҭоуп» ҳәа, иара убасгьы ааԥхьара ҟаҵоуп Урыстәылахь арҭ аҳәынҭқаррақәа рхьыԥшымра мап ацәнакырц.

Аахыҵ Уаԥстәыла Адәныҟатәи аусқәа рминистрра Аԥсны Адәныҟатәи аусқәа рминистрра ахьӡала адашшыларатә шәҟәы аанашьҭит Аԥсадгьыл ахьчаҩ игәалашәара Амш аҽны.

Нхыҵ Уаԥстәыла-Аланиа Ареспублика хатәгәаԥхарала Аԥсны еибашьуаз реидгыла ахантәаҩы Игор Кокоеви Аԥсны Адәныҟатәи аусқәа рминистр Сергеи Шамбеи реиԥылара мҩаԥысит нанҳәа 14 азы.

Иахьа иҵит 32 шықәса Аԥсны жәлар Рџьынџьтәылатә еибашьра иалагазар.

Украина арбџьар мчқәа Курсктәи аобласт аҳәаа иахьаԥну иҟарҵаз ақәылара инадҳәаланы Урыстәыла, Курсктәи аобласт аҟны аҭыԥ змоу аҭагылазаашьа ахшыҩзышьҭра ду аҳҭоит. Игәыхьуп иҭахази ахәрақәа заузи ахьыҟоу.

2024 шықәса нанҳәа 9 азы аԥсуа-аахыҵуаԥстәылатәии аԥсуа-приднестровиатәии аизыҟазаашьақәа ирылацәажәеит Аԥсны Адәныҟатәи аусқәа рминистр Сергеи Шамбеи, Аԥсны иҟоу Аахыҵ Уаԥстәыла ацҳаражәҳәаҩ Олег Боциеви, Аԥсны иҟоу Приднестровие ахаҭарнак ҷыда Гарри Купалба.

Аԥсны адәныҟатәи аусқәа рминистрс иҟаҵара Сергеи Шамба идиныҳәалеит Урыстәыла адәныҟатәи аусқәа рминистр Сергеи Лавров.

Аахыҵ Уаԥстәылатәи Ареспублика иаҿагыланы Қырҭтәыла агрессиа амҩаԥгара 16 шықәса ахыҵра инадҳәаланы Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра адышшыларатә шәҟәы азынанашьҭит.

2024 шықәса нанҳәа 7 азы Аԥсны ахада ихаҭыԥуаҩ Бадра Гәымба Аԥсны адәныҟатәи аусқәа рминистрра аколлектив дыдирдырит аминистр ҿыц Сергеи Шамба.

2024 шықәса нанҳәа 6 азы Аԥсны Аҳәынҭқарра ахада Аслан Бжьаниа инапы аҵеиҩит Аусԥҟа - Шамба Сергеи Мирон-иԥа Аԥсны Аҳәынҭқарра Адәныҟатәи аусқәа рминистрс иҟаҵаразы.

Америка Агәанытәи арегион аҿы иреиҳаӡоу Жәларбжьаратәи афестивальқәа иреиуоу «Акультуреи аҟазареи агастрономиеи Жәларбжьаратәи рфестиваль» мҩаԥысит Ареспублика Никарагуа нанҳәамза 3 – 4 рзы.

Аԥсны Аҳәынҭқарра адәныҟатәи аусқәа рминистр и.н., аминистр ихаҭыԥуаҩ, аҷыдалкаатәии азинмчнагӡеи змоу ацҳаражәҳәаҩ Одиссеи Бигәаа Боливариантәи Ареспублика Венесуела иҟоу Аԥсны Аҳәынҭқарра аҷыдалкаатәии азинмчнагӡеи змоу ацҳаражәҳәаҩ Заур Ӷәаџьаа иирамш идиныҳәалеит.

Шьамтәылатәи Арабтә республика адәныҟатәи аусқәеи аҳәаанырцә аџьынџьуаа русқәеи рзы аминистрра Адипломатиатә институт адиректор, ацҳаражәҳәаҩ Имад Мусҭафа инаԥхьарала Шьамтәылатәи Арабтә республика иҟоу Аԥсны Аҳәынҭқарра азинмчнагӡа змоу ацҳаражәҳәаҩ Мухаммад Алии Ацҳаражәҳәарҭа абыжьгаҩ, аконсул Гаис Аль-Харкии шьамтәыла-урыстәылатә еизыҟазаашьақәа 80 шықәса рхыҵра иазку асеминар иалахәын.

Аԥсны Адәныҟатәи аусқәа рминистрра гәалсра дула иаднакылеит Ҭырқәтәыла иҟоу Аԥсуа культуратә центрқәа Рфедерациа раԥхьатәи ахантәаҩы Феридун (Аксои) Аҟәысба иԥсҭазаара далҵит ҳәа иааҩыз ашәаџь.

Адныҳәалараҿы иаҳәоит: Аԥсуа жәлар сахьаркыратә ажәала иалкааны ҳӡырызгахьо, апоезиатә ажәа рԥха азҟаза ду, иахьа, акырӡа зҵазкуа Шәиира амш аҽны 75 шықәса шәхыҵра гәык-ԥсык ала ишәыдысныҳәалоит.

Аԥсны адәныҟатәи аусқәа рминистр и.н., аминистр ихаҭыԥуаҩ Одиссеи Бигәаа ԥхынгәы 24 азы идикылеит Ареспублика Башкартастан уаанӡа Аԥсны Аҳәынҭқарра азинмчзмоу ахаҭарнакс иҟаз Вадим Ақаҩба иԥшәмаԥҳәыс, Валентина Царгәыш, Ареспублика Адыгеиа уаанӡа Аԥсны Аҳәынҭқарра азинмчзмоу ахаҭарнакс иҟаз Рушьни Быҭәба иԥшәмаԥҳәыс Мзиана Агәхааи

Ԥхынгәы 21 азы Ареспублика Никарагуа иҟоу Аԥсны Аҳәынҭқарра азинмчнагӡа змоу ацҳаражәҳәаҩ Инар Ладариа идикылеит Аахыҵ Уаԥстәыла адәныҟатәи аусқәа рминистр Ахсар Џьиоеви Венесуелеи Никарагуеи иҟоу Аахыҵ Уаԥстәыла азинмчнагӡа змоу ацҳаражәҳәаҩ Нарим Козаеви.

Ареспублика Никарагуа иҟоу Аԥсны азинмчнагӡеи алкааҷыдақәеи змоу ацҳаражәҳәаҩ Инар Ладариа далахәын Ареспублика Никарагуа Асандинисттә револиуциа аиааира 45 шықәса ахыҵреи Беларуссиа анемец-фашистцәа рҟнытәи ахы иақәиҭтәуижьҭеи 80 шықәса аҵреи ирызкыз аныҳәатә концерт.