Ливантәи Ареспублика уаанӡатәи аԥыза-министр, адоктор Салим Ель-Хосс иԥсҭазаара иалҵра инадҳәаланы Шьамтәыла иҟоу Аԥсны азинмчнагӡеи анапынҵа ҷыдақәеи змоу ацҳаражәҳәаҩ Муҳаммад Али Дамаск иҟоу Ливан Ацҳаражәҳәарҭа даҭааит, Ливантәи Ареспублика Ацҳаражәҳәарҭа аусқәа аамҭала знапы иану Талал Дахер дидашшылеит.

Нанҳәамза 26 рзы Урыстәылатәи Афедерациа ала официалла Аԥсни Аахыҵ Уаԥстәылеи рхьыԥшымра азхаҵара амш 16-шықәса ахыҵра аҽны Приднесторовтәи Молдавтәи Ареспублика аҿы иҟоу Ареспублика Аԥсны Аофициалтә Хаҭарнакра аҿы аҩ-республикак рофициалтә хаҭарнакцәа еицымҩаԥыргаз адкылара мҩаԥысит.

2024 шықәса нанҳәа 26 азы Аахыҵ Уаԥстәыла адәныҟатәи аусқәа рминистр Ахсар Џьиоеви Аԥсны Аҳәынҭқарра адәныҟатәи аусқәа рминистр Сергеи Шамбеи реиԥылара мҩаԥысит

Аԥсны адәныҟатәи аусқәа рминистрра Аахыҵ Уаԥстәыла адәныҟатәи аусқәа Рминистрра адныҳәаларатә шәҟәы азынанашьҭит Аахыҵ Уаԥстәыла ахьыԥшымра азхаҵара Амш азы.

Нанҳәа 26 азы иҵит 16 шықәса Урыстәылатәи Афедерациа Аԥсны Аҳәынҭқарра ихьыԥшым, исуверентәу ҳәынҭқарраны иазханаҵеижьҭеи. Абри азы Урыстәылатәи Афедерациа ахада Д.А. Медведев Аусԥҟа анапы аҵаҩит 2008 шықәса нанҳәа 26 азы.

Жәаф шықәса раԥхьа Урыстәылатәи Афедерациа ҳтәыла аганахь ала аҵак ду змаз аӡбра аднакылеит. Нанҳәа 26, 2008 шықәсазы Урыстәылатәи Афедерациа ахада Дмитри Медведев инапы аҵеиҩит Аԥсны Аҳәынҭқарра исуверентәу, ихьыԥшым ҳәынҭқарроуп ҳәа изшьоз Аусԥҟа.

Нанҳәа 25 азы Аахыҵ Уаԥстәыла адәныҟатәи аусқәа рминистр Ахсар Џьиоев Аԥсны Аҳәынҭқарра даҭааит. Ахсар Џьиоев диԥылеит Аԥсны адәныҟатәи аусқәа рминистр ихаҭыԥуаҩ Одиссеи Бигәаа.

Аԥсны АдәАр аусзуҩцәа Асҭамыр Асабуеи Саид Ҭарбеи Ҟабарда-Балкариатәи ареспублика хатәгәаԥхарала аибашьцәа Реидгыла аҳаҭыртә шәҟәқәа рыҭоуп.

Шьамтәыла иҟоу Аԥсны ацҳаражәҳәаҩ Муҳаммад Алии Дамасктәи ауниверситет аректор, апрофессор Муҳаммад Усама Аль-Џьаббани аиԥылара мҩаԥыргеит.

Аԥсны адәныҟатәи аусқәа рминистр Сергеи Шамба Аԥсны иҟоу Приднестровиа Молдавиатәи Ареспублика Аофициалтә Хаҭарнакра ахада Гарри Купалба иирамш идиныҳәалеит.

Нанҳәа 15 азы Аахыҵ Уаԥстәыла иҟоу Аԥсны Ацҳаражәҳәарҭаҿы Хатәгәаԥхарала аибашьҩы Имш азы адкылара мҩаԥган.

Еиду амилиҭқәа реиҿкаара Ашәарҭадаратә Хеилак алахәылацәа – Франциа, Иапониа, Мальта, Словениа, Британиа Ду, Еиду аштатқәа, иара убасгьы ԥхьаҟа уи иалахәылахараны иҟоу – Даниа, Бырзентәыла рыхьӡала Мальта еснагьтәи ахаҭарнак ихаҭыԥуаҩ Франчески Гатт иҳәамҭа ҳазыӡырҩит. Аҳәамҭаҿы иазгәаҭоуп Аԥсны Аҳәынҭқарреи Аахыҵ Уаԥстәылатәи Ареспубликеи «Қырҭтәыла иузаҟәымыҭхо хәҭоуп» ҳәа, иара убасгьы ааԥхьара ҟаҵоуп Урыстәылахь арҭ аҳәынҭқаррақәа рхьыԥшымра мап ацәнакырц.

Аахыҵ Уаԥстәыла Адәныҟатәи аусқәа рминистрра Аԥсны Адәныҟатәи аусқәа рминистрра ахьӡала адашшыларатә шәҟәы аанашьҭит Аԥсадгьыл ахьчаҩ игәалашәара Амш аҽны.

Нхыҵ Уаԥстәыла-Аланиа Ареспублика хатәгәаԥхарала Аԥсны еибашьуаз реидгыла ахантәаҩы Игор Кокоеви Аԥсны Адәныҟатәи аусқәа рминистр Сергеи Шамбеи реиԥылара мҩаԥысит нанҳәа 14 азы.

Иахьа иҵит 32 шықәса Аԥсны жәлар Рџьынџьтәылатә еибашьра иалагазар.

Украина арбџьар мчқәа Курсктәи аобласт аҳәаа иахьаԥну иҟарҵаз ақәылара инадҳәаланы Урыстәыла, Курсктәи аобласт аҟны аҭыԥ змоу аҭагылазаашьа ахшыҩзышьҭра ду аҳҭоит. Игәыхьуп иҭахази ахәрақәа заузи ахьыҟоу.

2024 шықәса нанҳәа 9 азы аԥсуа-аахыҵуаԥстәылатәии аԥсуа-приднестровиатәии аизыҟазаашьақәа ирылацәажәеит Аԥсны Адәныҟатәи аусқәа рминистр Сергеи Шамбеи, Аԥсны иҟоу Аахыҵ Уаԥстәыла ацҳаражәҳәаҩ Олег Боциеви, Аԥсны иҟоу Приднестровие ахаҭарнак ҷыда Гарри Купалба.

Аԥсны адәныҟатәи аусқәа рминистрс иҟаҵара Сергеи Шамба идиныҳәалеит Урыстәыла адәныҟатәи аусқәа рминистр Сергеи Лавров.

Аахыҵ Уаԥстәылатәи Ареспублика иаҿагыланы Қырҭтәыла агрессиа амҩаԥгара 16 шықәса ахыҵра инадҳәаланы Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра адышшыларатә шәҟәы азынанашьҭит.