2021 шықәса рзы Қырҭтәыла Атәылахьчара аминистра аԥырҩы дызҭам аибашьыгеи аԥшыхәратәи хархәагақәа раахәара шазыԥхьагәанаҭо атәы иҳәеит арратә усбарҭа ахада Гарибашвили. Иара убасгьы иҳәеит Қырҭтәыла аҳауаҽацәыхьчаратә система арҿыцразы Израили дареи рыбжьара аиқәшаҳаҭра анапы шаҵаҩу.

Аинышәареи аграждантә еиҟарареи рызҵаарақәа рзы Қырҭтәыла аминистр Теиа Ахвледиани ажәадгала ҟалҵеит «азеиԥш интересқәа азхьаԥшра рыҭаны аусеицуреи иформалым адиалоги рыплатформа ырҭбаазарц аԥсуеи, ауаԥси, ақырҭуеит уаԥшьқәа рыбжьара». Лара лажәақәа рыла Қырҭтәыла адиалог иацәхьамҵыц иуадаҩу коронавирустә пандемиа аамҭазы. Лара лгәаанагарала ари апроцесс иацҵахоит, еиҳагьы аҽарҭбаауеит.

2020 шықәса ԥхынҷкәын 10-11 рзы Женева имҩаԥысит Аахыҵ Кавказ ашәарҭадареи аҭынчреи рзы Жәларбжьаратәи аиҿцәажәарақәа 51-тәи рраунд. Иара иалахәын Аԥсны Аҳәынҭқарра, Аахыҵ Уаԥстәыла ареспублика, Қырҭтәыла, Урыстәыла, Еиду аштатқәа рхаҭарнакцәа, ООН, ОБСЕ, ЕС рыцхантәаҩцәа. Аԥснытәи аделегациа напхгара аиҭон Адәныҟатәи аусқәа рминистр ихаҭыԥуаҩ Иракли Ҭыжәба.

Приднестровиатәи Молдавиатәи Ареспублика ахада Вадим Красносельски 2020 шықәса ԥхынҷкәын 10 рзы инапы зҵеиҩыз аусдҵа инақәыршәаны Аԥсны Адәныҟатәи аусқәа рминистр Даур Ақаҩба амедал «Приднестровиатәи Молдавиатәи Ареспублика 30 шықәса ахыҵуеит» ианашьоуп активла Приднестровиатәи Молдавиатәи Ареспублика ашьақәгылареи, ахьчареи, арӷәӷәареи дахьрылахәу азы.

Ԥхынҷкәын 11 рзы Қырҭтәыла Апарламент аҿы Қырҭтәыла ахада С. Зурабишвили «аоккупациа зызуу Аԥсни Аахыҵ Уаԥстәылеи арегионқәа рҿы инхо аԥсуеи ауаԥси уааԥсыра» рзааигәахара алыршаразы азнеишьа ҿыцқәа ԥшаатәуп ҳәа ааԥхьара ҟалҵеит.

2020 шықәса ԥхынҷкәын 10-11 рзы Женева имҩаԥысит Аахыҵ Кавказ ашәарҭадареи аҭынчреи рзы Жәларбжьаратәи аиҿцәажәарақәа 51-тәи рраунд. Иара иалахәын Аԥсны Аҳәынҭқарра, Аахыҵ Уаԥстәыла ареспублика, Қырҭтәыла, Урыстәыла, Еиду аштатқәа рхаҭарнакцәа, ООН, ОБСЕ, ЕС рыцхантәаҩцәа. Аԥснытәи аделегациа напхгара аиҭон Адәныҟатәи аусқәа рминистр ихаҭыԥуаҩ Иракли Ҭыжәба.

Ԥхынҷкәын 6 рзы Венесуела Амилаҭтә Ассамблеиахь алхрақәа мҩаԥысит. Заанаҵтәи Боливариантәи Ареспублика Венесуела амилаҭтә алхратә хеилак адыррақәа рыла Венесуела Иаку асоциалисттә партиа «Великий патриотический полюс» зхадараҿы иҟоу аидгыла аиааира агеит, Апарламент аҿы абжьеиҳа аиуит. Абжьыҭара аихшьаалақәа азхеиҵеит атәыла ахада Николас Мадуро.

Ԥхынҷкәын 2 рзы Аԥсны адәныҟатәи аусқәа рминистрраҿы имҩаԥысит аминистр ихаҭыԥуаҩ Иракли Ҭыжәбеи Аԥсны иҟоу аиҿкаара «Движение против голода» аофис ахада Ервин Блауи реиԥылара.

Абҵара 30 рзы Аԥсны адәныҟатәи аусқәа рминистрраҿы имҩаԥысит аминистр ихаҭыԥуаҩ Иракли Ҭыжәбеи Аԥсны иҟоу МККК Амиссиа ахаҭарнакцәа рԥылара.

Абҵара 25 рзы Аԥсны адәныҟатәи аусқәа рминистр ихаҭыԥуаҩ Иракли Ҭыжәба идикылеит Аахыҵ Кавказ аҭынчреи аҭышәынтәалареи рзы Жәларбжьаратәи Женеватәи аиҿцәажәарақәа рыцхантәаҩцәа –Тоиво Клаар, Џьихан Султаноглу, Рудольф Михалка.

Абҵара 24, 2020 шықәса рзы иҵит 6 шықәса Аԥсны Аҳәынҭқарреи Урыстәылатәи Афедерациеи рыбжьара аиҩызареи астратегиатә партниорреи рзы Аиқәшаҳаҭра анапы аҵаҩуижьҭеи.

Абҵара 23 рзы Дамаск ақалақь, Шьамтәыла Аминистрцәа рхеилак ахыбраҿы имҩаԥысит Шьамтәылатәи Арабтә республикаҿы иҟоу Аԥсны Аҳәынҭқарра ацҳаражәҳәаҩ Баграт Хәытабеи Хусеин Арнуси реиԥылара.

Аԥсны Адәныҟатәи аусқәа рминистр Даур Ақаҩба Аахыҵ Уаԥстәыла Адәныҟатәи аусқәа рминистр Дмитри Медоев идиныҳәалеит Аахыҵ Уаԥстәыла иазгәарҭо афырхаҵареи жәлар ракзаара Амши рныҳәа.

Вена имҩаԥысыз ОБСЕ Иааиԥмырҟьаӡакәатәи ахеилак аилатәара ҟалеит ари авторитартә жәларбжьаратә еиҿкаара аҭоурых зегьы аҿы еиҳа аполитикатәра злаз акәны. ОБСЕ ахаҭарнакцәақәак «Қырҭтәыла аҭагылазаашьеи» «аоккупациа зызуу арегионқәеи» ирылацәажәо ишыҟарҵалац аиԥш Аԥсны аҳәынҵәа агәыдҵо Женеватәи жәларбжьаратәи аиҿцәажәарақәагьы акы иаԥсам ҳәа ахырҳәааит. Аилатәараҿы «иҽаликааит» Британиа Ду ахаҭарнак. Иара еснагь еиԥш Аԥсны ахара адҵо Женеватәи аиҿцәажәарақәагьы рҭагылазаашьа акыр иреицакны иааирԥшит.

Аԥсны адәныҟатәи аусқәа рминистрра Шьамтәылатәи Арабтә республика адәныҟатәи аусқәа рминистррахь адашшыларатә шәҟәы нанашьҭит Шьамтәыла аԥыза-министр ихаҭыԥуаҩ, Адәныҟатәи аусқәа рминистр Уалид аль-Муаллем иԥсҭазаара иалҵра инадҳәаланы.

Адәныҟаполитикатә усбарҭа ахҳәаа анаҭеит ОБСЕ иҟоу Еиду аштатқәа рыцҳаражәҳәаҩ Џьеимс Гилмор Вена, абҵара 12 рзы ОБСЕ иааиԥмырҟьаӡакәа аус зуа Ахеилак аилатәараҿы иқәгылара. Ақәгылараҿы иазгәаҭан Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа русура аспектқәак.

Аԥсны адәныҟатәи аусқәа рминистр Даур Ақаҩбеи Шьамтәыла аԥыза-министр Хусеин Арнуси реиԥылара мҩаԥысит. Аиԥылара мҩаԥысит Шьамтәылатәи Арабтә республика Аминистрцәа реилазаараҿы. Аԥснытәи аделегациа алахәуп Дамаск имҩаԥысуа Жәларбжьаратәи аконференциа.

Аинформациа амассатә хархәагақәа рҿы ицәырҵит адыррақәа Қырҭтәыла иҟоу Азербаиџьан ацҳаражәҳәаҩ Ф.Гулиеви «Аԥсны Автономтә республика аиҳабыра рхада» Р.Абашиӡеи аиԥылара рыман ҳәа.

Аԥсни Урыстәылеи рхадацәа Аслан Бжьаниеи Владимир Путини Шәача реиԥылара мҩаԥысит

Аԥсны Адәныҟатәи аусқәа рминистр Даур Ақаҩба далахәын ахҵәацәа рыԥсадгьыл ахь рырхынҳәразы Жәларбжьаратәи аконференциа аартра.