Аԥсны Адәныҟатәи аусқәа рминистр Олег Барцыц Урыстәылатәи Афедерациа Адәныҟатәи аусқәа рминистр Сергеи Лавров Аџьынџьтәылатәи Еибашьра Дуӡӡаҿы Аиааира агара Амш идиныҳәалеит.

Иахьа ҳара иазгәаҳҭоит акрызҵазкуа арыцхә – 1941-1945 шықәсқәа рызтәи Аџьынџьтәылатә еибашьра Дуӡӡа аҟны игаз Аиааира 81-шықәса ахыҵра.

Ҭырқәтәыла иҟоу Аԥсны азинмчра нагӡа змоу ахаҭарнак Ибрагим Аҩӡба, Ҭырқәтәыла иҟоу Аԥсуа Федерациа ахада Иауз Аҭрышба, Анталиа иҟоу Аԥсуа культуратә Центр ахантәаҩы Шамиль Махариа Акультуратә центр анапхгара алархәны Аԥсны аӡыргара мҩаԥыргеит аԥсабареи аспорти бзиа избо Рыклуб «Торос» (TODOSKAR) аҟны, Анталиа.

Аԥсны Аҳәынҭқарра аҟынтәи аделегациа Ҭырқәтәылатәи Ареспубликаҿы усутә визитла иҟоуп. Уи аилазаара иалоуп: Жәлар Реизара-Апарламент адепутатцәа: Рашида Аиба, Дмитри Маршьан, Демур Гогьиа, Нарсоу Салаҟаиа, Асҭамыр Џьопуа, Аԥсадгьыл ахь архынҳәразы Аҳәынҭқарратә еилакы ахантәаҩы Баграт Боџьгәуа, ахантәаҩы ихаҭыԥуаҩ Џьансыхә Лазба, ахантәаҩы иабжьгаҩ Вадим Ҳаразиа, аиҿкаара-зинтә ҟәша аиҳабы Аслан Сангәлиа, ҳџьынџьуаа рымадаразы аҟәша аиҳабы Инал Хәытаба.

Лаҵарамза 5, 2026 шықәса рзы Берлин имҩаԥысит Европа аенергетикатә сектор аҿы аенергетикатә шәарҭадареи уажәтәи аҭагылазаашьеи рызҵаарақәа ирызкыз «Евразиатәи ауаажәларра» (Eurasien Gesellschaft e. V.) еиҿнакааз ауаажәларра-експерттә еимак-еиҿактә еиԥылара.

Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Заур Ӷәаџьаа, Венесуела иҟоу Ареспублика Никарагуа Ацҳаражәҳәарҭа ааԥхьарала, Никарагуа амилаҭтә ҳаҭырқәҵара Амш иазкыз аныҳәатә усмҩаԥгатәқәа ихы рылаирхәит.

Мшаԥымза 20-30, 2026 шықәсазы Аԥсны Адәныҟатәи аусқәа рминистрра аусзуҩцәа апрограмма «Жәларбжьаратәи аизыҟазаашьақәа. Урыстәыла адәныҟатәи аполитика" иахысит Урыстәыла Адәныҟатәи аусқәа рминистрра МГИМО Адипломатиатә академиаҿы.

Аԥсны Адәныҟатәи аусқәа рминистрра Урыстәыла Адәныҟатәи аусқәа рминистрра иатәу МГИМО Адипломатиатә академиа амагистратура апрограммақәа рҭаларазы Аԥсны атәылауаа рҟынтәи арзаҳалқәа рыдкылара ишалаго азы алаҳәара ҟанаҵоит:

Мшаԥы 29 рзы Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Аофициалтә Хаҭарнакраҿы имҩаԥысит Приднестровиатәи Молдавиатәи Ареспубликаҿы иҟоу Аԥсны Аҳәынҭқарра Азинмчы змоу ахаҭарнак Александр Ватамани Приднестровиатәи Аҳәынҭқарратә Университет азиндырратә факультет 4-тәи акурс астудентцәеи реиԥылара.

Қырҭтәыла аҳәынҭқарратә шәарҭадара Амаҵзура иакьыԥхьыз 2025 шықәсазтәи аҳасабырба Қырҭтәыла ажәытә идеологиатә догмақәа рҽырцәыхьчареи ишьақәгылаз агеополитикатә ҭагылазаашьақәа обиективла ахәшьара рыҭареи шзалымшо даҽазныктәи шьақәырӷәӷәароуп. Адокумент жәашықәсала еизыргаз, аполитизациа зызуу аклишеқәеи апропагандатә штампқәеи реизгоуп, Аԥсны Аҳәынҭқарра асуверенитет адискредитациеи иаанхо арегионалтә ҭышәынтәаламзаара амзыз иашақәа идырны реицакреи хықәкыс иамоуп. Ақырҭуа ган «ампыҵахалара» иазкны ишьақәырӷәӷәам атезис атираж аҟаҵара иаҿуп, идырны иазхьаԥшуам Аҟәеи Москвеи реизыҟазаашьақәа аԥсуа жәлар рхы иақәиҭны ргәаҳәареи рхатәҳәаақәҵаразы рзини шьаҭас измоу зформат наӡоу аҳәынҭқаррабжьаратә партниорра аҟазшьа шрымоу.

Аԥсны Адәныҟатәи аусқәа рминистр Олег Барцыц Ф. А. Искандер ихьӡ зху Аҳәынҭқарратә аурыс драматә театр адиректор хада Иракли Хынҭәба имшира идныҳәалоит.

Мшаԥымза 27, 2026 шықәса рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Заур Ӷәаџьаа Венесуела Адәныҟатәи аусқәа рминистрра ааԥхьарала аҭынчра ахьӡала аганрацәареи адипломатиеи Жәларбжьаратәи рымш азгәаҭара иазкыз аконференциа ихы алаирхәит.

Мшаԥымза 28, 2026 шықәса рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә Зинмчы змоу ацҳаражәҳәаҩ Заур Ӷәаџьаа Венесуела иҟоу Урыстәылатәи Афедерациа аҷыдалкаатә Зинмчы змоу ацҳаражәҳәаҩ Сергеи Мелик-Багдасаров иааԥхьарала Урыстәылеи Китаии рыбжьара астратегиатә партниорра аизыҟазаашьақәа рышьақәыргылара 30-шықәса ахыҵра иазкыз аныҳәатә церемониа ихы ала ирхәит.

Мшаԥы 27 рзы Аԥсны адәныҟатәи аусқәа рминистр Олег Барцыц Жәлар Рдипломатиа Ацентр ахаҭарнакцәа: анагӡаратә директор ихаҭыԥуаҩ, аҵаратә проектқәа Рдепартамент анапхгаҩы Валери Мановицкаиеи аҵаратәи акультуратәи проектқәа рменеџьер Софиа Ҳагԥҳаи идикы

Мшаԥы 24 рзы Аԥсны Адәныҟатәи аусқәа Рминистрраҟны имҩаԥысит Адәныҟатәи аусқәа рминистр Олег Барцыци РОО "Ростовтәи Аԥсуа диаспора" ахантәаҩы Виктор Ҳашбеи реиԥылара.

Олег Барцыц ихы алаирхәит 1941-1945 шықәсқәа рзтәи Аџьынџьтәылатә еибашьра Ду аан анацистцәеи урҭ рыцхырааҩцәеи асовет жәлар ирзыҟарҵаз агеноцид иалаӡыз ргәалашәара Амш иазкыз аусмҩаԥгатә.

Боливариантәи Ареспублика Венесуела иҟоу Аԥсны аҳәынҭқарра аҷыдалкаатә зинмчы змоу Ацҳаражәҳәаҩ Заур Ӷәаџьаа Венесуела Адәныҟатәи аусқәа Рминистрра ааԥхьарала атәыла ахьыԥшымра алаҳәара 216 шықәса ахыҵра иазкыз аныҳәатә усмҩаԥгатәқәа ихы рылаирхәит.

Аԥсны Адәныҟатәи аусқәа рминистрра азҿлымҳара анаҭеит Урыстәылатәи Афедерациа Адәныҟатәи аусқәа рминистрра аофициалтә хаҭарнак Мариа Захарова Қырҭтәыла Европатәи аидгыла алалара ахҟьаԥҟьақәа рганахьала иҟалҵаз аҳәамҭа, Қырҭтәыла ЕС алалара ахҟьаԥҟьақәа рганахьала Урыстәыла апозициа рыцеиҩнашоит.

Мшаԥымза 19, 2026 шықәсазы Урыстәыла раԥхьаӡа акәны иазгәарҭоит агәалашәаратә рыцхә ҿыц - 1941-1945 шш. раантәи Аџьынџьтәылатәи еибашьра Дуӡӡа аан анацистцәеи урҭ рыцхырааҩцәеи иҟарҵаз асовет жәлар ргеноцид иалаӡыз ргәалашәара Амш.

Мшаԥы 14-15 рзы Москва имҩаԥысит аелекторалтә процессқәа рхылаԥшреи рекспертизеи реиқәыршәара азҵаарақәа рзы Жәларбжьаратәи аҭҵаарадырра-практикатә конференциа, атәыла ахада игрантқәа Рфонди Россотрудничество аҟны иҟоу Ауаажәларратә хеилаки рыцхыраарала Афонд «Жәларбжьаратәи аинырреи аусеицуреи Рцентр» еиҿнакааз.