Ажәабжь ҿыцқәа
Шьамтәылатәи Арабтә республика Адәныҟатәи аусқәеи аҳәаанырцә инхо аџьынџьуаа рызҵаарақәеи рминистр Феисал Микдад официалла Аԥсны даҭааит. Аԥсуа-аурыс ҳәааҿы асасцәа дырԥылеит Аԥсны адәныҟаполитикатә усбарҭа ахада Инал Арӡынба.
Нанҳәа 15, 2022 шықәсазы Боливариантәи Ареспублика Венесуела иҟоу Аԥсны Аҳәынҭқарра алкааҷыдеи азинмчнагӡеи змоу ацҳаражәҳәаҩ Заур Ӷәаџьаа Венесуела, аштат Лара имҩаԥысуа Арратә хәмаррақәа -2022 "Аснаипертә рубеж" аартра далахәын Боливариантәи Ареспублика Венесуела Адәныҟатәи аусқәа рминистрреи Атәылахьчара аминистрреи рнаԥхьарала.
Аԥсны Адәныҟатәи аусқәа рминистр Инал Арӡынба Аԥсны Аҳәынҭқарраҿы иҟоу Приднестровиатәи Молдавиатәи Ареспублика Аофициалтә хаҭарнакра ахада Гарри Кәыпалба имшира идиныҳәалеит.
Аԥсны Адәныҟатәи аусқәа рминистр Инал Арӡынба Ахсар Џьиоев дидныҳәалеит Аахыҵ Уаԥстәыла Адәныҟатәи аусқәа рминистрс иҟалара инадҳәаланы.
Аахыҵ Уаԥстәылатәи Ареспублика иаҿагыланы Қырҭтәыла агрессиа амҩаԥгара 14 шықәса ахыҵра инадҳәаланы Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра адышшыларатә шәҟәы азынанашьҭит.
Боливариантәи Ареспублика Венесуела иҟоу алкааҷыдеи азинмчнагӡеи змоу Аԥсны ацҳаражәҳәаҩ Заур Ӷәаџьаа нанҳәа 5 азы Боливариантәи Ареспублика Венесуела аҿы иҟоу Амилаҭрацәатә ҳәынҭқарра Боливиа алкааҷыдеи азинмчнагӡеи змоу ацҳаражәҳәаҩ Себастиан Родриго Мишель Хоффман инаԥхьарала далахәын Амилаҭрацәатә ҳәынҭқарра Боливиа ахьыԥшымра 197 шықәса ахыҵра аныҳәа.
Аҵыхәтәантәи амшқәа рзы аибарххара аҭыԥ ахьамоу ашьха-ҟарабахтә еимакы азонаҿы аҭагылазааша шыҿио гәцаракны ҳашьклаԥшуеит.
Нанҳәа 2 азы Ареспублика Никарагуа арра-ҳаиртә мчрақәа рнапхгара рнаԥхьарала Ареспублика Никарагуа иҟоу алкааҷыдеи азинмчнагӡеи змоу Аԥсны ацҳаражәҳәаҩ Инар Ладариа Ареспублика Никарагуа арра-ҳаиртә мчрақәа шьаҭаркуижьҭеи 43-шықәса аҵразы имҩаԥысуаз ауснагӡатә далахәын.
Аԥсны Адәныҟатәи аусқәа рминистрра Приднестровиа Молдавиатәи Ареспублика Адәныҟатәи аусқәа рминистррахь адышшыларатә шәҟәы нанашьҭит Приднестровиа Молдавиатәи Ареспублика ахьчараҿ иҭахаз ргәалашәара Амш иазкны.
Ԥхынгәы 27 азы Ареспублика Никарагуа Амилаҭтә Ассамблеиа ахантәаҩы Густаво Поррас Кортес инаԥхьарала Ареспублика Никарагуа иҟоу Аԥсны ацҳаражәҳәаҩ Инар Ладариа Ареспублика Никарагуа Амилаҭтә Ассамблеиа ауснагӡатә далахәын. Ауснагӡатә Акоманданте Уго Чавес диижьҭеи 68-шықәса аҵреи Акоманданте Фидель Кастро дзаԥхьагылаз Монкада аказармақәа ржәылара 69-шықәса ахыҵреи ирызкын.
Ԥхынгәы 25 азы Каракас, Атуризм аминистрра аштаб-квартираҿ имҩаԥысит Боливариантәи Ареспублика Венесуела иҟоу азинмчра змоу Аԥсны ацҳаражәҳәаҩ Заур Ӷәаџьааи Боливариантәи Ареспублика Венесуела Атуризм аминистр Али Падрони русутә еиԥылара.
Ԥхынгәы 26 азы Ареспублика Никарагуа Адәныҟатәи аусқәа рминистрра анаԥхьарала Ареспублика Никарагуа иҟоу Аԥсны аҷыдалкаатәи азинмчи змоу ацҳаражәҳәаҩ Инар Ладариа Акоманданте Фидель Кастро дзаԥхьагылаз Монкада аказармақәа ржәылара 69-шықәса ахыҵра ауснагӡатә далахәын. Ари ажәылароуп Кәыбатәи ареволиуциа шьаҭаны иазыҟалаз
Боливариантәи Ареспублика Венесуела Адәныҟатәи аусқәа рминистр Карлос Рафаель Мариа Тортос Аԥсны Аҳәынҭқарра Адәныҟатәи аусқәа рминистр Инал Арӡынба иирамш идиныҳәалеит.
Аԥсны иҟоу Урыстәыла аҷыдалкаатәи азинмчнагӡеи змоу ацҳаражәҳәаҩ Михаил Шургалин Адәныҟатәи аусқәа рминистр Инал Арӡынба имшира идиныҳәалеит.
Боливариантәи Ареспублика Венесуела Адәныҟатәи аусқәа рминистр Карлос Рафаель Фариа Тортос Аԥсны Аҳәынҭқарра Адәныҟатәи аусқәа рминистр Инал Арӡынба иирамш идиныҳәалеит.
Урыстәылатәи Афедерациа Адәныҟатәи аусқәа рминистр Сергеи Лавров Аԥсны Аҳәынҭқарра Адәныҟатәи аусқәа рминистр Инал Арӡынба иирамш идиныҳәалеит.
Ԥхынгәы 24, 2022 шықәсазы Шьамтәылатәи ақалақь аль-Скальбиа аҟны ауахәама Аиа-Софиа аартра ацеремониа амҩаԥгараан атеррористцәа ахыбра аракетақәа агәыдырҵеит.
Аԥсны Аҳәынҭқарра Адәныҟатәи аусқәа рминистр Инал Арӡынба Боливариантәи Ареспублика Венесуела Адәныҟатәи аусқәа рминистр Карлос Рафаель Фариа Тортос адныҳәаларатә нота изынаишьҭит ҳтәылақәа рыбжьара адипломатиатә еизыҟазаашьақәа шьақәгылеижьҭеи 12-шықәса ахьҵыз инамаданы.
Ареспублика Никарагуа анапхгара рнаԥхьарала Ареспублика Венесуела иҟоу Аԥсны Аҳәынҭқарра азинмчнагӡа змоу ацҳаражәҳәаҩ Заур Ӷәаџьаа Никарагуа Асандинисттә револиуциа 43-шықәса ахыҵраз имҩаԥгаз ауснагӡатәқәа дрылахәын.