2025 шықәса цәыббрамза 26 рзы Аԥсны Аҳәынҭқарра адәныҟатәи аусқәа рминистр Олег Барцыц, Аҟәа ақалақь, Ражьден Гәымба ихьӡ зху Аԥсуа ҳәынҭқарратә филармониаҿы имҩаԥысуаз Афедералтә ҵарадырратә марафон "Адырра. Аԥхьагылаҩцәа" аартраан дықәгылеит.

Аԥсны Аҳәынҭқарра адәныҟатәи аусқәа рминистр Олег Барцыци Аԥсны Аҳәынҭқарра Аконституциатә ӡбарҭа ахантәаҩы Диана Ԥлиеи, Урыстәылатәи Афедерациа аекономикатә ҿиара Аминистрра Адәныҟатәи ахәаахәҭразы Урыстәылазегьтәи академиа Жәларбжьаратәи азин акафедра апрофессор Анаит Смбатиани реиԥылара мҩаԥысит Аԥсны Аҳәынҭқарра Адәныҟатәи аусқәа Рминистрраҿы. Аиԥылара рхы аладырхәит Аԥсны адәныҟатәи аусқәа рминистрра аусзуҩцәагьы.

Шьамтәылатәи Арабтә Республика иҟоу Аԥшьатәарҭа Цқьа (Ватикан) Ацҳаражәҳәарҭа ааԥхьарала, Шьамтәыла иҟоу Аԥсны Аҳәынҭқарра аҷыдалкаатә зинмчы змоу ацҳаражәҳәаҩ Муҳаммад Али Дамаск ақалақь аҿы имҩаԥысыз аусмҩаԥгатә далахәын.

2025 шықәса цәыббра 24 рзы Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариеи Ацҳаражәҳәарҭа аминистр-абжьгаҩ Алиас Аибеи рхы аладырхәит Урыстәылатәи арегион ҿыцқәа – Донецктәи жәлар Рреспублика, Лугансктәи жәлар Рреспублика, Запорожиеи Херсонтәии аобластқәа Урыстәылатәи Афедерациа иахәҭакны рыдыркылара Ареспублика Никарагуа иахьазханаҵаз иазкыз аныҳәатә усмҩаԥгатә иалахәын.

Аԥсни Урыстәылеи рыдәныҟаполитикатә усбарҭақәа рминистрцәа Олег Барцыци Сергеи Лаврови реиԥылара жьҭаарамза 1 азы Шәача ақалақь аҿы имҩаԥысраны иҟоуп.

Цәыббра 22 рзы Шьамтәылатәи Арабтә Республика иҟоу Аԥсны Аҳәынҭқарра Ацҳаражәҳәарҭа аусзуҩцәа, 2025-2026 шықәсқәа рзы Аԥснытәи аҳәынҭқарратә университет аурыс бызшәазы аҽазыҟаҵаратә курсқәа рҿы аҵара рҵарц азы Аԥсныҟа идәықәлаз шьамтәылатәи астудентцәа мҩаԥыргеит.

Аԥсны Аҳәынҭқарра адәныҟатәи аусқәа рминистр Олег Барцыц аҳәынҭқарратә, аполитикатә усзуҩ, еицырдыруа аҵарауаҩ Станислав Лакоба рыцҳарала иԥсҭазаара иалҵра инамаданы адышшылара ҟаиҵеит.

Иахьа, Аԥсны Аҳәынҭқарреи Аахыҵ Уаԥстәылатәи Ареспубликеи ирыбжьарҵаз аиҩызареи аусеицуреи рзы Аиқәшаҳаҭра 20 шықәса ахыҵит. 2005 шықәса цәыббра 19 рзы Цхинвал ақалақь аҿы анапы зҵарҩыз ари аҭоурыхтә документ ҳажәларқәеи ҳҳәынҭқаррақәеи рыбжьара аиашьара, аицхыраара, аусеицура ирымоу аҭоурыхтә традициақәа шьақәнарӷәӷәеит.

Цәыббра 18 азы, Аԥсны Аҳәынҭқарра Ауаажәларратә Палата амаӡаныҟәгаҩ Гәыльнара Кьычбеи Приднестровиатәи Молдавиатәи Ареспублика Ауаажәларратә Палата ахантәаҩы Владимир Ладункини рыбжьара онлаин еиԥылара мҩаԥысит.

2025 шықәса цәыббрамза 18 рзы, Приднестровиатәи Молдавиатәи Ареспублика иҟоу Аԥсны Аҳәынҭқарра аофициалтә Хаҭарнакра аԥшьгарала, Аԥсны Аҳәынҭқарра аҵарадырра аминистр Хана Гәынбеи Приднестровиатәи Молдавиатәи Ареспублика аҵарадырра аминистр Светлана Иванишинеи онлаин-еиԥылара еиԥылеит.

2025 шықәса цәыббра 15 азы, Боливариантәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа Боливариантәи Ареспублика Венесуела иҟоу Ареспублика Никарагуа ацҳаражәҳәаҩ Даиси Торрес Боскес инаԥхьарала Никарагуа ахьыԥшымра аиура 204 шықәса ахыҵра иазкыз аусмҩаԥгатә даҭааит.

Аԥсны Аҳәынҭқарра адәныҟатәи аусқәа Рминистрра Ареспублика Никарагуа адәныҟатәи аусқәа Рминистррахь адныҳәаларатә шәҟәы рышьҭит Никарагуа Ахьыԥшымра Амш инамаданы.

Цәыббра 14 азы, Ареспублика Никарагуа Апарламент Амилаҭтә Ассамблеиа ааԥхьарала, Ареспублика Никарагуаҿы иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Инар Ладариа, Аԥсны Аҳәынҭқарра Ацҳаражәҳәарҭа аминистр-абжьгаҩ Алиас Аиба Никарагуа, Сан-Хасинто амҵантәи аибашьра 169 шықәса ахыҵра иазкны аҷыда еилатәара "Зегьы Сан-Хасинто азы" иалахәын.

2025 шықәса цәыббрамза 11 азы Берлин ақалақь аҿы Германиа иҟоу Аԥсны Аҳәынҭқарра азинмчы змоу ахаҭарнак Хьыбла Амҷԥҳа Евразиатәи Аилазаара имҩаԥнагаз аконференциа «Апассивтә ԥырҟәҟәаара аҟынтәи активтә ԥырҟәҟәаара аҟынӡа – Урыстәыла ашәарҭадаратә политикеи агеополитика ҿыци» лхы алалырхәит.

2025 шықәса цәыббрамза 10 азы, Приднестровиатәи Молдавиатәи Ареспубликаҿ иҟоу Аԥсны Аҳәынҭқарра Аофициалтә Хаҭарнакраҿы, Приднестровиа иҟоу азинмчнагӡа змоу Аԥсны ахаҭарнак Александр Ватамани Приднестровиа адәныҟатәи аусқәа рминистрра аусзуҩцәа – адипломатцәа ҿарацәа Рхеилак алахәылацәеи Приднестровиантәи аҳәынҭқарратә университет афакультетқәа рстудентцәеи реиԥылара мҩаԥысит.

Аԥсны адәныҟатәи аусқәа Рминистрра Аԥсны Аҳәынҭқарреи Ареспублика Никарагуеи адипломатиатә еизыҟазаашьақәа рыбжьаҵара 16 шықәса ахыҵра инамаданы Никарагуа Адәныҟатәи Аусқәа Рминистррахь ашәҟәы нарышьҭит.

Аԥсны адәныҟатәи аусқәа рминистр Олег Барцыц Боливариантәи Ареспублика Венесуела адәныҟатәи  аусқәа рминистр Иван Хиль Пинто иахь Боливариантәи Ареспублика Венесуела Аԥсны ахьыԥшымреи аҳәынҭқарратә суверинитети  азханаҵеижьҭеи 16 шықәса аҵра иазкны ашәҟәы наишьҭит.

Москваҟа иусуратә неира аҳәаақәа ирҭагӡаны, Аԥсны Аҳәынҭқарра адәныҟатәи аусқәа рминистр Олег Барцыц Урыстәыла иҟоу Аԥсны Ацҳаражәҳәарҭаҿы аиԥылара мҩаԥигеит.

2025шықәса цәыббрамза 9 азы, Аԥсны Аҳәынҭқарра адәныҟатәи аусқәа рминистр Олег Барцыц Москва иҟазаараан, Урыстәылатәи Афедерациа адәныҟатәи аусқәа Рминистрра ИАР атәылақәа 4-тәи рдепартамент анапхгаҩы Михаил Калугин диԥылеит. Аиԥылара аԥсуа ган аҟынтәи иалахәын адәныҟатәи аусқәа рминистр ихаҭыԥуаҩ Одиссеи Бигәаа, Урыстәыла иҟоу Аԥсны Ацҳаражәҳәарҭа абжьгаҩ Мадина Аҩӡба.

2025 шықәса цәыббрамза 9 азы Аԥсны Аҳәынҭқарра адәныҟатәи аусқәа рминистр Олег Барцыц, адәныҟатәи аусқәа рминистр ихаҭыԥуаҩ Одиссеи Бигәаа Урыстәылатәи Афедерациа адәныҟатәи аусқәа Рминистрраҿы имҩаԥысраны иҟоу Женеватәи аиҿцәажәарақәа 65-тәи рраунд азы акоординациатә еилацәажәара рхы аладырхәит.