Аԥсны Аҳәынҭқарра Адәныҟатәи аусқәа рминистрра агәҭынчымра аанарԥшуеит НАТО атәылақәа милаҭрацәалатәи аҽазыҟаҵарақәа рцикл "Достойный партнер 2020" (Noble Partner 2020) аҳәаақәа ирҭагӡаны Қырҭтәыла адгьылҵакыраҿы имҩаԥырго аҽазыҟаҵарақәа рганахь ала. Қырҭтәыла имҩаԥысуа аҽазыҟаҵарақәа ирылахәхоит акырнызқь аруаа, арратә техника хьанҭа, авиациа, ЕАА арра-мшынтә флот аӷбақәа.

Приднестровиа Молдавиатәи Ареспублика ашьаҭаркра 30 шықәса ахыҵра Амшныҳәа инадҳәаланы Аԥсны Аҳәынҭқарра Адәныҟатәи аусқәа рминистр Даур Ақаҩба Приднестровиа Молдавиатәи Ареспублика Адәныҟатәи Аусқәа рминистр Витали Игнатьев адныҳәаларатә шәҟәы изынаишьҭит.

Аԥсны Аҳәынҭқарра Адәныҟатәи аусқәа рминистр Даур Ақаҩба Ареспублика Арцах Адәныҟатәи аусқәа рминистр Масис Маилиан Ареспублика Арцах ахьышымра Амш идиныҳәалеит.

Аԥсны Аҳәынҭқарра Адәныҟатәи аусқәа рминистрра анапынҵа ҷыдақәа рынагӡаразы Ацҳаражәҳәаҩ Вито Гриттани Италиа Асенат ахаҭарнак Маттео Сальвини 2020 шықәса нанҳәа 29 рзы аиԥылара рыман.

Ԥхынгәы 19 рзы Аԥсны Аҳәынҭқарра Адәныҟатәи аусқәа рминистрраҟны имҩаԥысит аминистр Даур Ақаҩбеи Аԥсны иҟоу Приднестровиатәи Молдавиатәи ареспублика Ахаҭарнакра аофициалтә еиҳабы Гарри Кәыпалбеи аиԥылара рыман.

Нанҳәа 14, 1992 шықәса рзы аихамҩа ахьчара ҿарԥас иҟаҵаны Қырҭтәыла Аҳәынҭсовет Аԥсны Аҳәынҭқарра аҵакырахь иҭалеит. Аибашьра цон 413 уахи-ҽни. Ихыркәшахеит Аԥсны ахақәиҭтәрала 1993 шықәса цәыббра 30 рзы.

Аҳәаанырцәуаа, хыԥхьаӡара рацәала Аԥсны Аҳәынҭқарра аҭаараз иахьҳадҵаало инамаданы Аԥсны Аҳәынҭқарра Адәныҟатәи аусқәа рминистрра адырра ҟанаҵоит: Урыстәылатәи Афедерациа аиҳабыра Аусдҵа № 1996-р (01.08. 2020 ш.) инақәыршәаны Урыстәылеи Аԥсни рҳәаа ахысра зылшо Аԥсны Аҳәынҭқарреи Урыстәылатәи Афедерациа атәылауааи роуп.

Аԥсны Аҳәынҭқарра Адәныҟатәи аусқәа рминистрра Ливантәи ареспублика аҳәаанырцәтәи аусқәеи аемигрантцәа русқәеи рзы аминистррахь адышшыларатә шәҟәы нанашьҭит Беирут иҟалаз арыцҳара инамаданы.

Аԥсны Аҳәынҭқарра ахада 2020 шықәса нанҳәа 1 азы инапы зҵеиҩыз Аусдҵа адкылара Аԥсны Аҳәынҭқарра ахада 2020 шықәса рашәара 30 азтәи Иусдҵа амчра ахьацәнарӡыз инадҳәаланы Аԥсны Аҳәынҭқарра Адәныҟатәи аусқәа рминистрра Аконсултә Департамент адырра ҟанаҵоит аушьҭырҭатә ҭыԥқәа рыла ареспубликахь аҭалара ԥкырада имҩаԥысуеит ҳәа.

Аԥсны адәныҟатәи аусқәа рминистр Даур Ақаҩба Ареспублика Арцах адәныҟатәи аусқәа рминистр Масис Маилиан идиныҳәалеит аминистрра ашьаҭаркра 27-шықәса ахыҵра амшныҳәа.

Ԥхынгәы 20 рзы Урыстәыла Агәабзиарахьчара аминистрраҿы имҩаԥысит Аԥсны Адәныҟатәи аусқәа рминистр Даур Ақаҩбеи Урыстәылатәи Афедерациа Агәабзиарахьчара аминистр актәи ихаҭыԥуаҩ Игор Каграманиани реиԥылара.

Ԥхынгәы 21 рзы Шьамтәыла Адәныҟатәи аусқәа рминистрраҟны Аԥыза-министр ихаҭыԥуаҩ, Адәныҟатәи аусқәеи аџьынџьуаа русқәа рзи аминистр Уалид аль-Муаллем дидикылеит Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәаҩ Баграт Хәытаба.

Аԥсны Адәныҟатәи аусқәа рминистрра гәалсра дула ирыдыркылеит адипломат, Аԥсны зҽаԥсазтәыз ажурналист, аҭоурыхтә ҭҵаарадыррақәа ркандидат, ауаажәларратә усзуҩ, Асовет Еидгылеи Аԥсни ажурналистцәа реидгылақәа рлахәыла, Аԥснытәи АССР иреиҳаӡоу Ахеилак ахь хынтә депутатс иалырххьаз, 1994 - 2014 шықәсқәа рзы Ҭырқәтәылатәи ареспубликаҿ Аԥсны Ахаҭарнакс иҟаз Владимир Аҩӡба иԥсҭазаара далҵит ҳәа иааҩыз ашәаџь.

Ԥхынгәы 17, Ареспублика Никарагуа Асандинисттә революциа 41-шықәса ахыҵра аламҭалазы Аԥсны Адәныҟатәи аусқәа рминистрра аԥшьгарала имҩаԥган Аԥсны Аҳәынҭқарраҿ иҟоу Ареспублика Никарагуа Ацҳаражәҳәаҩ Альба Асусена Торрес Мехиа ивидеоконференциа.

Аԥсны Адәныҟатәи аусқәа рминистр Даур Ақаҩба Урыстәылаҟа иусутә ныҟәараан Роспотребнадзор анапхгаҩы Анна Попова дылԥылеит.

Ԥхынгәы 16 рзы Москва Аԥсны Аҳәынҭқарра Адәныҟатәи аусқәа рминистр Даур Ақаҩбеи, Урыстәылатәи Афедерациаҟны иҟоу Аԥсны Ацҳаражәҳәаҩ Игор Ахбеи Аԥсны ахада астратегиатә коммуникациақәа рзы ицхырааҩ Ренат Қарчааи Мосгордума ахантәаҩы Алексеи Шапошниковы еиԥылеит.

Ареспубликатә уаажәларратә еиҿкаара «Аруаа» ааԥхьара ҟанаҵеит Аԥсны ахада Аслан Бжьаниа иахь Аԥсни Қырҭтәылеи ԥхьаҟатәи реизыҟазаашьақәа дышрыхәаԥшуа атәы далацәажәарц.

Урыстәылатәи АИХқәак рҟны ицәырҵит аинформациа, ашәҟәыҩҩы Захар Прилепин напхгара зиҭо аполитикатә партиа «За правду» алхраԥхьатә программаҿы Аԥсни Аахыҵ Уаԥстәылеи Урыстәыла радларазы ареферендум мҩаԥгазарц ажәадгала ҟанаҵоит ҳәа.

Апарламент аҿы аҳасабырба ҟаҵо дықәгылеит Қырҭтәыла аԥыза-министр Георги Гахариа. Иара иааԥхьароуп ҳәа ахиҳәааит Қырҭтәылеи иара амилаҭтә шәарҭадареи рзы «Урыстәылатәи аоккупациа». Игәаанагарала атәыла аҿиара алзмыршогьы ури ауп. Уи адагьы Г. Гахариа «аоккупациа зызуу аҵакырақәа» рҟны аҭагылазаашьазы ахара здиҵо Урыстәылоуп. Иара ишиҳәо ала Урыстәыла уа ахылаԥшра ахахьы иагеит.

Аԥсны Аҳәынҭқарра Адәныҟатәи аусқәа рминистр Даур Ақаҩба Евгени Примаков идныҳәалеит аҳәаанырцә инхо аџьынџьуааи агуманитартә усеицуреи Ихьыԥшым атәылақәа Реидгыла аусқәеи рзы Афедералтә маҵзура анапхгаҩыс дҟаҵазааит (Россотрудничество) анапхгаҩыс иҟаҵара.