Ажәабжь ҿыцқәа
2023 шықәса хәажәкыра 5 азы Ареспублика Доминикана Адәныҟатәи аусқәа рминистр Роберто Маркаие Абреу инаԥхьарала Ареспублика Никарагуа иҟоу Аԥсны азинмчнагӡа змоу ацҳаражәҳәаҩ Инар Ладариа далахәын Доминиканатәи Ареспублика ахьыԥшымра 179-шықәса ахыҵра.
2023 шықәса хәажәкыра 7 азы Шьамтәылатәи Арабтә республикаҟны иҟоу Аԥсны азинмчнагӡа змоу ацҳаражәҳәаҩ Баграт Хәытаба Шьамтәылатәи Арабтә республикаҟны Адәныҟатәи аусқәа рминистр Феисал Микдад диԥылеит.
2023 шықәса хәажәкыра 5 азы Венесуела Адәныҟатәи аусқәа рминистрра анаԥхьарала Боливариантәи Ареспублика Венесуела иҟоу Аԥсны азинмчнагӡа змоу ацҳаражәҳәаҩ Заур Ӷәаџьаа далахәын команданте Уго Чавес иԥсҭазаара далҵижьҭеи жәашықәса аҵра иазкыз ауснагӡатә «Всемирной встречи за актуальность боливарианских идей революционного лидера в XXI веке».
Аԥсны Адәныҟатәи аусқәа рминистр Инал Арӡынба Приднестровиатәи Молдавиатәи Ареспубликаҿ иҟоу Аԥсны Аҳәынҭқарра азинмчнагӡа змоу ахаҭарнак Александр Ватаман ПМР аҟны Аԥсны Аҳәынҭқарра аофициалтә Хаҭарнакра шьаҭаркуижьҭеи 15 шықәса аҵра идиныҳәалеит.
Аԥсны Адәныҟатәи аусқәа рминистр Инал Арӡынба Аахыҵ Уаԥстәылатәи Ареспублика Адәныҟатәи аусқәа рминистр Ахсар Џьиоев имшира идиныҳәалеит.
Аԥсны адәныҟатәи аусқәа рминистр Инал Арӡынба Урыстәыла иҟоу Урыстәылатәи Афедерациаҟны Аԥсны Аҳәынҭқарра анапынҵа ҷыдақәеи азинмч нагӡеи змоу ацҳаражәҳәаҩ Алхас Кәыҵниа 2023 шықәса хәажәкыра 3 азы диԥылеит.
Аӡбамҭа рыдыркылеит Аԥсны ААР аттестациатә комиссиа Урыстәыла иҟоу Аԥсны Ацҳаражәҳәарҭаҟны аусура алкаақәа иҟанаҵаз инарықәыршәаны. Аусбарҭа аттестациатә комиссиа Урыстәыла иҟоу Аԥсны Ацҳаражәҳәарҭаҟны имҩаԥнагаз агәаҭарақәа иаадырԥшит аиқәымшәарақәа шыҟоу, убри инамаданы ирыӡбеит анаҩстәи ауснагӡатәқәа рыдыркыларц:
Аԥсны ахада Аслан Бжьаниа ипресс-конференциа аихшьаалақәа ҟаҵо Адәныҟатәи аусқәа рминистр Инал Арӡынба дрылацәажәеит атәыла адәныҟаполитикатә ԥшьгамҭа ҿыцқәа: аконсультациақәа рыстратегиатә механизм Аҟәа-Москва-Минс аиԥш иҟоу.
Аԥсны Адәныҟатәи аусқәа рминистрра Приднестровиатәи Молдавиатәи ареспублика Адәныҟатәи аусқәа рминистррахь адышшыларатә шәҟәы нанашьҭит Ареспублика Молдова Приднестровие иаҿагыланы абџьар шьҭнахижьҭеит 31-шықәса аҵра инамаданы.
Ҭырқәтәыла иҟоу азинмчра нагӡа змоу Аԥсны Ахаҭарнакреи Ҭырқәтәыла иҟоу аԥсуа культуратә центрқәа Рфедерациа анапхгара ахантәаҩи алахәылацәеи Анталиа ақалақь аҿы иҟоу Аԥсуа культуратә центр аҿы аԥсуа-адыга еилазаара ирԥылеит.
28.02.2023 212
«Аԥсны аҳәынҭқарра дуқәа ргеополитикатә еиҿагылара ибжьагылан, аха асуверинитет аиқәырхара алнаршеит. Иахьа Еиду аштатқәа зыҟны аԥыжәаратә роль ннакыло ЕАР акәзаргьы.
28.02.2023 335
Адәныҟатәи аусқәа рминистр Инал Арӡынба ателеканал "Россия 24" аинтервиу аҭо иҳәеит Аԥсны ахада Аслан Бжьаниа жәабран 21 рзы Белоруссиа даҭааит, уаҟа Александр Лукашенко диԥылеит, аҩтәылак рхадацәа алацәажәеит ҩ-ганктәи аусеицура азҵаара ҳәа.
Шьамтәылатәи Арабтә республикаҟны иҟоу Аԥсны ацҳаражәҳәаҩ Баграт Хәытаба Шьамтәыла адгьылҵысраан аԥсуа диаспора иаҵанакуа аӡәгьы дҭамхеит, ҳәа аҳәамҭа ҟаиҵеит уи азы Аԥсны АИХқәа рҿы ицәырҵыз аинформациа ахҳәаа аҭо.
24.02.2023 180
Приднестровие аҭагылазаашьа ҭышәынтәалоуп, иҭынчроуп, аҳәынҭусбарҭақәа зегьы аус шыруц ируеит ҳәа Аԥсны ААР аминистр ихаҭыԥуаҩ Иракли Ҭыжәба изеиҭеиҳәеит Приднестровие Молдавиатәи Ареспубликаҿ иҟоу Аԥсны ахаҭарнак Александр Ватаман.
Женеватәи аиҿцәажәарақәа рыцҵара, урҭ ԥхьаҟатәи рԥеиԥш иалацәажәеит Аԥсны ААР аминистр ихаҭыԥуаҩ Иракли Ҭыжәбеи ЕАР ахаҭарнак, аиҿцәажәарақәа рыцхантәаҩ Џьихан Султаноглуи ҭелла реицәажәараан.
23.02.2023 225
«Афестиваль "Славянский базар" 1992 шықәса раахыс имҩаԥыргоит, арҭ ашықәсқәа ирылагӡаны афестиваль рҽаладырхәхьеит 70 ҳәынҭқарра рхаҭарнакцәа.
Аԥсадгьыл ахьчаҩ Имш азы Аԥсны Адәныҟатәи аусқәа рминистрра Урыстәылатәи Афедерациа Адәныҟатәи аусқәа рминистррахь адныҳәалара ҟанаҵеит.
Адныҳәалараҿы иаҳәоит:
21.02.2023 343
Аԥсны жәларбжьаратәи аилазаара алхәдаара иазырхоу ақырҭуа напхгара рҽазышәарақәа ирыхәамԥшыкәа, ареспублика аҳәаанырцәтә еимадарақәа рырҭбаара иаҿуп. Аслан Бжьаниеи Александр Лукашенкои реиԥылара уи бзиаҵәҟьаны ишьақәнарӷәӷәоит.
21.02.2023 409
Аҩаша, жәабранмза 21 рзы Минск ақалақь, Ахьыԥшымра Ахан аҟны Аԥсны Аҳәынҭқарра Ахада Аслан Бжьаниеи Белоруссиа Ахада Алеқсандр Лукашенкои реиԥылара мҩаԥысит. Иара убас, аиԥылара далахәын Аԥсны адәныҟатәи аусқәа рминистр Инал Арӡынба, Белоруссиа Ахада ихаҭарнак ҷыда Виктор Шеиман.
21.02.2023 217
Аслан Бжьаниа усуратә визитла Белоруссиа даҭааит жәабранмза 20, ашәахьа. Аҩаша, жәабранмза 21 рзы Минск ақалақь, Ахьыԥшымра Ахан аҟны Аԥсны Аҳәынҭқарра Ахада Аслан Бжьаниеи Белоруссиа Ахада Алеқсандр Лукашенкои реиԥылара мҩаԥысит. Аиԥылара далахәын Аԥсны адәныҟатәи аусқәа рминистр Инал Арӡынба.