Аԥсны адәныҟатәи аусқәа рминистрра ақьафурҭақәа рҳа «Вкусно и точка» ахада Олег Пароев Аԥсны жәларбжьаратәи аренаҿы Қырҭтәыла иаҵакыроуп ҳәа ииҳәаз ахҳәаа аҭо иазгәанаҭеит Аԥсны – Урыстәыла иазханаҵаз, исуверентәу ҳәынҭқарроуп ҳәа.

Шьамтәыла иҟоу Аԥсны ацҳаражәҳәаҩ Муҳаммад Али Шьамтәыла аиустициа аминистр Ахммад Авад Аль-Саиед диԥылеит.

Рашәара 12, 2024 шықәсазы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр инапынҵақәа назыгӡо Одиссеи Бигәааи Женеватәи аиҿцәажәарақәа рыцхантәаҩцәа–Аахыҵ Кавказ аҿы Евроеидгыла ахаҭарнак ҷыда Таиво Клаари, ЕАР ахаҭарнак Џьихан Султаноглуи, ОБСЕ ахаҭарнак Виорел Мошануи рԥылара.

Аԥсни Шьамтәылеи рыбжьара амассатә информациақәа рхархәагақәа русхкы аганахьала аҩганктәи аизыҟазаашьақәа рырӷәӷәара хықәыс измаз Шьамтәыла иҟоу Аԥсны Ацҳаражәҳәаҩ Муҳаммад Алии Шьамтәыла аинформациа аминистр Бутрос Халлиаки реиԥылара мҩаԥысит. Аиԥылара аҿы аганқәа ахәҭакахьала амассатә информациа ахархәагақәа русхы аҿы атәылақәа рыбжьара аҩганктәи аизыҟазаашьақәа ирылацәажәеит, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аԥсны Аҳәынҭқарра Адәныҟатәи аусқәа рминистр и.н. Одиссеи Бигәаа Сергеи Лавров Урыстәыла Амш идиныҳәалеит.

Шьамтәылатәи Арабтәи Ареспублика аҿы иҟоу Аԥсны ацҳаражәҳәаҩ Муҳаммад Али Дамаск ақалақь аҿы Амилаҭтә хәыҷтәы еиҿкаара «Аль-Баас» адәныҟатәи аимадарақәа рыҟәша аиҳабы Наамоа Шадуд дылԥылеит.

Азхьаԥшра аҭоуп ЕАР Ассамблеиа хада арезолиуциа «Аԥсни Аахыҵ Уаԥстәылеи рҟынтәи иқәҵыз ахаҿқәеи ахҵәацәеи рҭагылазаашьа азы». Арезолиуциа рыдкылан рашәара 4, 2024 шықәсазы. Иараҿы иазгәаҭоуп арҭ ахаҿқәа рыҩныҟақәа рахь рыхынҳәра азин.

Рашәара 4, 2024 шықәсазы имҩаԥысит иҿыцу, ихьыԥшым аҳәынҭқаррақәа руниверситетқәа Рассоциациақәа ронлаин конференциа. Приднестровиатәи Молдавиатәи Ареспубликаҿ Аԥсны Аҳәынҭқарра азинмчнагӡа змоу ацҳаражәҳәаҩ Александр Ватаман аконференциа аартра далахәын.

Лаҵара 29 рзы Сҭампыл имҩаԥысит Аԥсны жәлар Рџьынџьтәылатә еибашьра аан хабарда ибжьаӡыз ахаҿқәа рыԥшааразы Акоординациатә механизм 16-тәи аилатәара, Аџьар Ҟаԥшь Жәларбжьаратәи Аилакгьы алархәны.

Шьамтәылатәи Арабтә республика адәныҟатәи аусқәеи аҳәаанырцә аџьынџьуаа русқәеи рзы аминистрра Адипломатиатә институт адиректор, ацҳаражәҳәаҩ Имад Мусҭафа дидикылеит Шьамтәылатәи Арабтә республика иҟоу Аԥсны Аҳәынҭқарра азинмчнагӡа змоу ацҳаражәҳәаҩ Мухаммад Али.

Аԥсны адәныҟатәи аусқәа рминистрра Шьамтәылаҟа адныҳәаларатә шәҟәы нанашьҭит Аҟәеи Дамаски рыбжьара адипломатиатә еизыҟазаашьақәа шьақәгылеижьҭеи фышықәса аҵра иазкны.

Ари ахҭыс асоветаамҭашьҭахьтәи аҵакырақәа рҿы иҭоурыхтәхаз хҭысуп ҳәа уҳәар ҟалоит.

Аԥсны адәныҟатәи аусқәа рминистрра Қырҭтәыла аԥыза-министр Иракли Кобахьиӡе Аԥсни Аахыҵ Уаԥстәылеи ҩаԥхьа Қырҭтәыла аилазаара ахь ирхынҳәтәуп ҳәа иҳәамҭа ҳаҳаит.

Аԥсны адәныҟатәи аусқәа рминистр ин.н., аминистр ихаҭыԥуаҩ Иракли Ҭыжәба Аԥсны иҟоу Аџьар ҟаԥшь Амиссиа ахаҭарнакцәа идикылеит лаҵара 22 рзы.

Аԥсны Аҳәынҭқарра Адәныҟатәи Аусқәа Рминистрра адашшыларатә шәҟәы нанашьҭит Аԥсылмантә Республика Иран Адәныҟатәи Аусқәа рминистррахь ахь Иран ахада Сеиед Ебрахим Раиси, Адәныҟатәи Аусқәа рминистр Хосеин Амир Абдоллахиани ирыцызи рҭахара инадҳәаланы.

Аԥсны Аҳәынҭқарра Адәныҟатәи Аусқәа Рминистрра адашшыларатә шәҟәы нанашьҭит Аахыҵ Уаԥстәыла Адәныҟатәи Аусқәа Рминистрра ахь Зартәи арыцҳара ҟалеижьҭеи 32 шықәса аҵра инадҳәаланы.

Аԥсны Аҳәынҭқарра Адәныҟатәи Аусқәа Рминистрра анапхгара, аколлектив аусбарҭа ашьаҭаркра амш – лаҵара 17 азы 1992-1993шш. раантәи Аԥсны Аџьынџьтәылатә еибашьраан иҭахаз ргәаладыршәеит, афырхацәа рбаҟа аҿаԥхьа ашәҭшьыҵәрақәа шьҭарҵеит.

Аԥсны Аҳәынҭқарра Адәныҟатәи Аусқәа рминистр ин.н. Иракли Ҭыжәба Урыстәылатәи Афедерациа Адәныҟатәи Аусқәа рминистр Сергеи Лавров Урыстәылатәи Афедерациа Адәныҟатәи Аусқәа рминистрс иеиҭалхра идиныҳәалеит.

Аԥсны Адәныҟатәи аусқәа рминистрра аусзуҩцәа рдыррақәа разырҳаразы 2024 шықәса мшаԥы 1-12 рзы Урыстәыла АдәАр Адипломатиатә академиаҿ жәларбжьаратәи аизыҟазаашьақәа русхк аганахь ала аиҭазыҟаҵаратә Усбарҭаҿы акурсқәа ирхысит.

Мшаԥымза 4-5, 2024 шықәса рзы Женева имҩаԥысит Аахыҵ Кавказ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа 60-тәи рраунд. Аиҿцәажәарақәа ирылахәын Аԥсны, Қырҭтәыла, Аахыҵ Уаԥстәыла, Урыстәыла, Еиду аштатқәа рхаҭарнакцәеи ЕАР, ЕЕАЕ, ЕЕ рҟынтәи ацхантәаҩцәеи. Аԥсны адәныҟатәи аусқәа рминистр ихаҭыԥуаҩ Иракли Ҭыжәба напхгара зиҭоз аделегациа аилазаараҿы иҟан АдәАР Аконсултә департамент аиҳабы Лаша Аҩӡба, Мрагылара ааигәеи Африкеи рдепартамент аиҳабы Артур Гагулиа, адепутат Баҭал Џьопуа.