Аԥсны Адәныҟатәи аусқәа рминистрра аделегациа алахәын Женева 2023 шықәса мшаԥы 4-5 азы имҩаԥысуаз Аахыҵ Кавказ ашәарҭадареи аҭышәынтәалареи рзы жәларбжьаратәи аиҿцәажәарақәа 57-тәи рраунд. Аԥсни Қырҭтәылеи рхаҭарнакцәа рнаҩс иалахәын Аахыҵ Уаԥстәылеи, Урыстәылеи, Еиду Америка

2023 шықәса мшаԥы 4 азы Аԥсны адәныҟатәи аусқәа рминистр Инал Арӡынбеи Ареспублика Никарагуа адәныҟатәи аусқәа рминистр Денис Монкада Колиндреси онлаин еиԥылара рыман.

Хәажәкыра 29 азы Амилаҭрацәатә ҳәынҭқарра Боливиа Ацҳаражәҳәарҭа анаԥхьарала Ареспублика Никарагуа иҟоу Аԥсны азинмчра нагӡа змоу ацҳаражәҳәаҩ Инар Ладариа ихы алаирхәит амшын Амш 144 шықәса ахыҵра иадҳәалоу ауснагӡатә.

Урыстәыла, Москва, Кремль Азал ду аҟны азинмчнагӡеи аҷыдалкаамчреи змоу Аԥсны ацҳаражәҳәаҩ Алхас Кәыҵниа 2023 шықәса мшаԥымза 5 рзы Урыстәылатәи Афедерациа ахада Владимир Путин агәраргагатә шәҟәқәа ииҭоит.

Аԥсны адәныҟатәи аусқәа рминистр Инал Арӡынба аҳәынҭқаррабжьаратә еизыҟазаашьақәа рактуалтә зҵаарақәа рылацәажәаразы усутә визитла Москваҟа дцеит.

Хәажәкыра 30 азы Урыстәыла адәныҟатәи аусқәа рминистрраҟны имҩаԥысит Урыстәыла адәныҟатәи аусқәа рминистр ихаҭыԥуаҩ Михаил Галузини Аԥсны адәныҟатәи аусқәа рминистр ихаҭыԥуаҩ Иракли Ҭыжәбеи реиԥылара. Аԥснытәи Аган ахь ала аиԥылара далахәын Урыстәыла иҟоу Аԥсны ацҳаражәҳәаҩ Алхас Кәыҵниа.

Аԥсны адәныҟатәи аусқәа Рминистрра Аԥсны атәылауаа рзы Урыстәылатәи Афедерациа адәныҟатәи аусқәа Рминистрра Адипломатиатә Академиа аҭалареи амагистратуреи аспирантуреи рыпрограммақәа рыла аҵара аҵареи рзы аконкурстә лыԥшаара алахәхаразы ихымԥадатәиу аусшәҟәқәа рыдкылара ишалаго азы алаҳәара ҟанаҵоит.

«Ҳара ишьахәуп ҳәа азаҳҳәоит Шьамтәылатәи Арабтә республикеи Саудтәи Аравиеи рыбжьара адипломатиатә еизыҟазаашьақәа реиҭашьақәыргылара, ҳара ари арегион аҟны ашәарҭадареи аҭышәынтәалареи рыпроцесс иахәарҭаны иаабоит.

Аԥсны адәныҟатәи аусқәа рминистрр Инал Арӡынбеи Мрагылара Ааигәа азы Урыстәыла ахада ихаҭарнак ҷыда, Урыстәылатәи Афедерациа адәныҟатәи аусқәа министр ихаҭыԥуаҩ Михаил Богдановы ҭелла еицәажәеит.

Аԥсны адәныҟатәи аусқәа рминистр Инал Арӡынба Аԥсны иҟоу Аахыҵ Уаԥстәыла ацҳаражәҳәаҩ Олегу Боциев дидныҳәалеит.

Аԥсны адәныҟатәи аусқәа рминистр Инал Арӡынба Индиа аҳҭнықалақь Дели имҩаԥысуаз абизнес-форум «Бизнес-диалог на евразийском пространстве» далахәын.

Аԥсны адәныҟатәи аусқәа рминистр Инал Арӡынба Индиа имҩаԥысуаз абизнес-форум «Бизнес-диалог на евразийском пространстве» далахәын.

2023 шықәса хәажәкыра 21 азы Аԥсны ахада Аслан Бжьаниа "Ахьӡ-Аԥша" аорден I аҩаӡара ианеишьеит Урыстәыла Адәныҟатәи аусқәа рминистр Сергеи Лавров.

Аԥсны Адәныҟатәи Аусқәа рминистр Инал Арӡынба Аԥсадгьыл ахь ахынҳәразы Аилак ахь адныҳәаларатә шәҟәы неишьҭит иара ашьаҭаркра 30 шықәса ахыҵра инадҳәаланы.

Хәажәкыра 2 азы Женеватәи аиҿцәажәарақәа изаамҭанытәиу 57-тәи араунд аламҭалаз аиҿцәажәарақәа рыцхантәаҩцәеи Аԥсны аделегациеи авидеоконференциа мҩаԥыргеит Аԥсны ААР аҿы.

Хәажәкыра 21 азы Аҳәынҭқарра Палестина Ацҳаражәҳәарҭа ааԥхьарала Ареспублика Никарагуа иҟоу Аԥсны азинмчра нагӡа змоу ацҳаражәҳәаҩ Инар Ладариа ихы алаирхәит ауснагӡатә – Палестина акультуреи адгьыли Рымш.

Аԥсны Адәныҟатәи аусқәа рминистрраҟны имҩаԥысит Аԥсны адәныҟаполитикатә усбарҭа ахада Инал Арӡынбеи Аԥсны иҟоу Урыстәылатәи Афедерациа ацҳаражәҳәаҩ Михаил Шургалины реиԥылара.

Аԥсны Адәныҟатәи аусқәа рминистр Инал Арӡынба урыстәылатәи иколлега Сергеи Лавров иирамш идиныҳәалеит.

Аԥсны адәныҟатәи аусқәа рминистрра аделегациа Ливантәи Ареспубликеи Афганистани иҟоуп.

Хәажәкыра 14, 2023 шықәсазы Белград (Ареспублика Сербиа) имҩаԥысит аԥсуа гани ақырҭуа гани злахәыз хабарда ибжьаӡыз рызҵаарақәа рзы Акоординациатә механизм 14-тәи аилатәара.