Иахьа, ҳара, Аԥсны Аҳәынҭқарра адәныҟатәи аусқәа Рминистрра аԥҵара 32 шықәса ахыҵра азгәаҳҭоит. Аминистрра аԥҵаразы Аусԥҟа инапы аҵаиҩит Владислав Григори-иԥа Арӡынба, 1993 шықәса лаҵарамза 17 рзы Аԥсны Аҳәынҭқарра Иреиҳаӡоу Ахеилак ахантәаҩык иҳасаб ала.

Аԥсны Аҳәынҭқарра адәныҟатәи аусқәа рминистр Олег Барцыц Шьамтәылатәи Арабтә Республика адәныҟатәи аусқәеи аҳәаанырцә иҟоу аџьынџьуаа русқәа рзи аминистр Асад Ҳасан Аль-Шаибани Аԥсны адәныҟатәи аусқәа рминистрс иҟалара ахьидиныҳәалаз ҭабуп ҳәа ахиҳәааит.

Шьамтәылатәи Арабтәи Республика адәныҟатәи аусқәеи аҳәаанырцә иҟоу ҳџьынџьуаа русқәеи рминистр Асад Ҳасан Аль-Шаибани Олег Барцыц Аԥсны Аҳәынҭқарра адәныҟатәи аусқәа рминистрс иҟаҵара идиныҳәалеит.

2025 шықәса лаҵара 9 азы Берлин ақалақь аҿы Аџьынџьтәылатә еибашьра Дуӡӡаҿы Аиааира агара 80 шықәса ахыҵра иазку аныҳәатә усмҩаԥгатәқәа мҩаԥысит.

Лаҵара 14 рзы  Аԥсны раԥхьатәи Ахада, ҳаамҭазтәи Аԥсуа Ҳәынҭқарра ашьаҭаркҩы, Аԥсны Афырхаҵа, "Ахьӡ-Аԥша" аорден I аҩаӡара занашьоу Владислав Григори-иԥа Арӡынба  диижьҭеи 80 шықәса ҵит.

Шьамтәылатәи Арабтә Республикаҿы иҟоу аҷыдалкаатә Зинмчы змоу Аԥсны Аҳәынҭқарра Ацҳаражәҳәаҩ Муҳаммед Алии Шьамтәылатәи Арабтә Республикаҿы иреиҳау аҵареи аҭҵаарадыррақәеи рминистр, адоктор Маруан Аль-Ҳалабии аҩ-тәылак рыбжьара аҵаратәи аҭҵаарадырратәи усеицураҿ аизыҟазаашьақәеи Аԥснытәи Аҳәынҭқарратә университети Дамасктәи ауниверситети рыбжьара аусеицуразы Аиқәшаҳаҭра анапаҵаҩреи аҵак ду шрымоу ирылацәажәеит.

Лаҵара 8 азы Боливариантәи Ареспублика Венесуела иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа, Боливариантәи Ареспублика Венесуела иҟоу Урыстәылатәи Афедерациа аусқәа рзы аамҭалатә Гәрага Едуард Соколов инаԥхьарала Аџьынџьтәылатә еибашьра Дуӡӡаҿы Аиааира агара 80 шықәса ахыҵра иазкны Венесуела имҩаԥысуаз аныҳәатә усмҩаԥгатәқәа ихы рылаирхәит.

Каракас ақалақь аҿы асовет еибашьцәа Реихстаг ахаҿы Аиааира Абираҟ шышьҭырхуаз аазырԥшуа аскульптуратә композициа ашьақәыргылара хыркәшоуп.

Ареспублика Никарагуа иҟоу Урыстәылатәи Афедерациа Ацҳаражәҳәарҭа ааԥхьарала, Ареспублика Никарагуа иҟоу аҷыдалкаатә зинмчы змоу Аԥсны Аҳәынҭқарра ацҳаражәҳәаҩ Инар Ладариа Асовет жәлар Аџьынџьтәылатә еибашьра Дуӡӡаҿы иргаз аиааира 80 шықәса ахыҵра иазкыз аныҳәатә усмҩаԥгатәқәа жәпакы ихы рылаирхәит.

Аԥсны Аҳәынҭқарра адәныҟатәи аусқәа рминистр Олег Барцыц Аахыҵ Уаԥстәылатәи Ареспублика адәныҟатәи аусқәа рминистр Ахсар Џьиоеви ареспублика адәныҟатәи аусқәа рминистрра аколлективи Аџьынџьтәылатә еибашьра Дуӡӡаҿы Аиааира агара 80 шықәса ахыҵра рыдиныҳәалеит.

Аԥсны Аҳәынҭқарра адәныҟатәи аусқәа рминистр Олег Барцыц Приднестровие Молдавиатәи Ареспублика адәныҟатәи аусқәа рминистр Витали Игнатиеви ареспублика адәныҟатәи аусқәа рминистрра аколлективи Аџьынџьтәылатә еибашьра Дуӡӡаҿы Аиааира агара 80 шықәса ахыҵра рыдиныҳәалеит.

Аԥсны Аҳәынҭқарра адәныҟатәи аусқәа рминистр Олег Барцыц Урыстәылатәи Афедерациа адәныҟатәи аусқәа рминистр Сергеи Лаврови Урыстәыла адәныҟатәи аусқәа рминистрра аколлективи Аџьынџьтәылатә еибашьра Дуӡӡаҿы Аиааира агара 80 шықәса ахыҵра рыдиныҳәалеит.

Иахьа Аџьынџьтәылатә еибашьра Дуӡӡаҿы Аиааира агара 80 шықәса ахыҵуеит.

Иахьа иазгәаҳҭоит 1941-1945 шықәсқәа рзтәи Аџьынџьтәылатә еибашьра Дуӡӡаҿы Аиааира агара 80 шықәса ахыҵра! Лаҵара 9 ҳара зегьы ҳзы иҷыдоу ныҳәоуп. Уи анацизм зыԥсадгьыл ацәызыхьчарц игылаз ажәлар рдоуҳатә мчреи ргәымшәареи ирҿырԥшыгоуп.

Аџьынџьтәылатә еибашьра Дуӡӡаҿы Аиааира агара 80 шықәса ахыҵра аламҭалазы, Аԥсны Аҳәынҭқарра адәныҟатәи аусқәа рминистр Олег Барцыц Аџьынџьтәылатә еибашьра Дуӡӡа аветеран ҳәа иԥхьаӡоу Нодари Владимир-иԥа Возба иааиуа аныҳәа идиныҳәалеит.

Боливариантәи Ареспублика Венесуела Ацҳаражәҳәарҭа ааԥхьарала, Ареспублика Никарагуа иҟоу Аԥсны Аҳәынҭқарра ацҳаражәҳәаҩ Инар Ладариа, Никарагуа иҟоу Венесуела ацҳаражәҳәаҩ Хавиер Арруеи аилахәыра анџьныр, ​​ Никарагуатәи аенергетикатә еилахәыра (ENEL) адиректор Ернесто Мартинес Тиффери ицны Уго Чавес Фриас ихьӡ зху асофтбол азы ачемпионат «Ажәларқәа реиҩызара» ахыркәшаратә церемониа ихы алаирхәит.

2025 шықәса лаҵара 5 азы Боливариатәи Ареспублика Венесуела иҟоу Аԥсны Аҳәынҭқарра ацҳаражәҳәаҩ Заур Ӷәаџьаа, Боливариатәи Ареспублика Венесуела иҟоу Ареспублика Никарагуа ацҳаражәҳәаҩ Деиси Торрес лнаԥхьарала, Ареспублика Никарагуа амилаҭтә ҳаҭыр Амш азгәаҭара иазкыз ацеремониа ихы алаирхәит.

Москватәи аԥсуа диаспора Ахеилак ахантәаҩы Беслан Агрба Олег Барцыц Аԥсны Аҳәынҭқарра адәныҟатәи аусқәа рминистр имаҵураҭыԥ аанкылара идиныҳәалеит.

Ҳазҭоу ашықәс, мшаԥымза 25 азы Аԥсны адәныҟатәи аусқәа рминистрраҿы Аԥсны Аҳәынҭқарра адәныҟатәи аусқәа рминистр Олег Барцыци Аԥсны иҟоу Жәларбжьаратәи Аџьар Ҟаԥшь Аилак Амиссиа ахада Чынгьыз Раимбекови реиԥылара мҩаԥысит.

Аԥсны Аҳәынҭқарра адәныҟатәи аусқәа рминистрра Аԥсны Аҳәынҭқарра атәылауаа адырра рнаҭоит, Урыстәылатәи Афедерациеи Аԥсны Аҳәынҭқарреи ирыбжьарҵаз, ҩ-тәылауаҩрак аиура азҵаарақәа рыӡбаразы аҳәынҭқаррабжьаратә еиқәшаҳаҭра иахьа инаркны амчра шаиуа.