Ажәабжь ҿыцқәа
Ҳазҭоу ашықәс мшаԥы 23 азы Аԥсны адәныҟатәи аусқәа рминистрраҿы Аԥсны Аҳәынҭқарра Адәныҟатәи аусқәа рминистр Олег Барцыци Аԥсны Аҳәынҭқарра иҟоу Приднестровие Молдавиатәи Ареспублика Аофициалтә хаҭарнакра ахада Гарри Кәпалбеи реиԥылара мҩаԥысит.
Ҳазҭоу ашықәс мшаԥы 23 азы Аԥсны Аҳәынҭқарра Адәныҟатәи аусқәа рминистр Олег Барцыци Аԥсны иҟоу Аахыҵ Уаԥстәылатәи Ареспублика аҷыдалкаатә зинмчы змоу ацҳаражәҳәаҩ Олег Боциеви реиԥылара мҩаԥысит.
Олег Барцыц, Аԥсны Аҳәынҭқарра Адәныҟатәи аусқәа рминистр имаҵураҭыԥ ахь инеиразы, Приднестровие Молдавиатәи Ареспублика Адәныҟатәи аусқәа рминистр Витали Игнатиев изааишьҭыз адныҳәалара ҭабуп ҳәа ахҳәаауа ашәҟәы изишьҭит.
Приднестровие Молдавиатәи Ареспублика Адәныҟатәи аусқәа рминистр Витали Игнатиев Олег Барцыц Аԥсны Аҳәынҭқарра Адәныҟатәи аусқәа рминистр имаҵураҭыԥ ахь инеира идиныҳәалеит.
Мшаԥы 22 рзы Аԥсны Аҳәынҭқарра Адәныҟатәи аусқәа рминистр Олег Барцыци Аԥсны Аҳәынҭқарра иҟоу Урыстәылатәи Афедерациа аҷыдалкаатә зинмчы змоу ацҳаражәҳәаҩ Михаил Шургалини раԥхьатәи русуратә еиԥылара мҩаԥысит.
Олег Барцыц, Аԥсны Аҳәынҭқарра Адәныҟатәи аусқәа рминистр имаҵураҭыԥ ахь инеиразы, Урыстәылатәи Афедерациа Адәныҟатәи аусқәа рминистр Сергеи Лавров изааишьҭыз адныҳәалара ҭабуп ҳәа ахҳәаауа ашәҟәы изишьҭит.
22.04.2025 638
Урыстәыла Адәныҟатәи аусқәа рминистр Сергеи Лавров Олег Барцыц Аԥсны Адәныҟатәи аусқәа рминистрс иҟалара идиныҳәалеит.
22.04.2025 295
Олег Барцыц, Аԥсны Аҳәынҭқарра Адәныҟатәи аусқәа рминистр имаҵураҭыԥ ахь инеиразы, Аахыҵ Уаԥстәылатәи Ареспублика Адәныҟатәи аусқәа рминистр Ахсар Џьиоев изааишьҭыз адныҳәалара ҭабуп ҳәа ахҳәаауа ашәҟәы изыишьҭит.
Аахыҵ Уаԥстәылатәи Ареспублика Адәныҟатәи аусқәа рминистр Ахсар Џьиоев Олег Барцыц Аԥсны Аҳәынҭқарра Адәныҟатәи аусқәа рминистрс иҟалара идиныҳәалеит.
22.04.2025 275
Мшаԥы 22 азы Аԥсны Ахада Бадра Гәынба Аԥсны Адәныҟатәи аусқәа рминистр ҿыц Олег Барцыц аминистрра аколлектив дыдирдырит.
18.04.2025 364
Олег Мсас-иԥа Аԥсны Аҳәынҭқарра Адәныҟатәи аусқәа рминистрс дҟаҵоуп. Абри азы 2025 шықәса мшаԥы 18 азы Аусԥҟа инапы аҵеиҩит Аԥсны Аҳәынҭқарра ахада Бадра Гәынба.
Ҳазҭоу ашықәс мшаԥы 16 азы Приднестровиа Молдавиатәи Ареспубликаҿы Аԥсны Аҳәынҭқарра ахаҭарнак Александр Ватаман 1941-1945 шықәсақәа рзы Аџьынџьтәылатә еибашьра Дуӡӡа иалахәыз, 1944 шықәсазы дҭахеит ҳәа агәаанагара ззыҟоу идырым асолдаҭ иԥсыбаҩ анышә аҭара иазку аусмҩаԥгатә ихы алаирхәит.
Мшаԥы 11 азы Приднестровиатәи Молдавиатәи Ареспублика иҟоу Аԥсны Аҳәынҭқарра аофициалтә Хаҭарнакра иаҭааит Бендертәи азеиԥш школқәа ҩба рҵаҩцәа – ашколтә дипломатиа аклубқәа рлахәылацәа.
11.04.2025 448
2008 шықәса инаркны Женева имҩаԥысуеит Жәларбжьаратәи аиҿцәажәарақәа, урҭ рхықәкы – Қырҭтәыла ирыднагалаз аибашьрақәа рҿы аиааира згаз Аԥсни Аахыҵ Уаԥстәылеи рзы ашәарҭадара аиҿкаареи, Аахыҵ-Кавказтәи арегион аҿы аҭышәынтәалара аиқәыршәареи роуп.
Ҳазҭоу ашықәс мшаԥы 10 рзы Аԥсны Аҳәынҭқарра аофициалтә Хаҭарнакраҿы Приднестровие иҟоу Аԥсны Аҳәынҭқарра Азинмчы змоу ахаҭарнак Александр Ватамани Приднестровиа иҟоу Аахыҵ Уаԥстәылатәи Ареспублика аофициалтә Хаҭарнакра анапхгаҩы Витали Ианковскии русуратә еиԥылара мҩаԥысит.
Приднестровиа иҟоу Аԥсны Аҳәынҭқарра аофициалтә Хаҭарнакра Аԥсны Аҳәынҭқарра Актәи Ахада Владислав Арӡынба изкны “Владислав Арӡынба иԥсҭазаара аҟынтәи 80 еимгеимцара” ҳәа хьӡыс измоу афотоцәыргақәҵа еиҿнакааит, “Аԥсны Аԥа ду иԥсҭазааратә мҩа” ҳәа ажәахә аӡыргара мҩаԥнагеит.
Қырҭтәыла аҵакыра аиҭашьақәыргылара иадҳәалоу азҵаарақәа ирзааҭгыло Қырҭтәыла аԥыза-министр Иракли Кобахиӡе иҟаиҵаз аҳәамҭа аҭакс, иазгәаҳҭоит, Қырҭтәыла анапхгара иҟанаҵо аҳәамҭақәа ишаадырԥшуа иҟоу аҭагылазаашьақәа ирықәымшәо ажәытә знеишьақәа рыцәхьаҵра шырҭахым.
2025 шықәса мшаԥы 3 азы Аԥсны Аҳәынҭқарра адәныҟатәи аусқәа рминистр Сергеи Шамбеи Приднестровиатәи Молдавиатәи Ареспублика Ахада иабжьгаҩ Павел Прокудини реиԥылара мҩаԥысит.
Иван Хиль Сергеи Шамба Аԥсны Аҳәынҭқарра Ахада иалхрақәа рҿы Бадра Гәынба иигаз аиааира идиныҳәалеит
Боливариантәи Ареспублика Венесуела Адәныҟатәи аусқәа рминистр Иван Хиль Аԥсны Аҳәынҭқарра Адәныҟатәи аусқәа рминистр инапынҵақәа назыгӡо Сергеи Шамба Аԥсны Аҳәынҭқарра Ахада иалхрақәа рҿы Бадра Гәынба иигаз аиааира идиныҳәалеит.