Цәыббра 10, Боливариантәи Ареспублика Венесуела Аԥсны Аҳәынҭқарра асуверенитети ахьыԥшымреи аназханаҵаз амш азы Аԥсны ацҳаражәҳәаҩ Инар Ладариа дидикылеит Венесуела ацҳаражәҳәаҩ Хосе Франсиско Арруе Де Пабло.

Аԥсны Аҳәынҭқарра Ацҳаражәҳәарҭа ахьӡала Ареспублика Никарагуа адипломатиатә дкылара мҩаԥган атәыла Аԥсны Аҳәынҭқарра ахьыԥшымра азханаҵеижьҭеи 14-шықәса аҵра иазкны.

Цәыббра 5 - 16 рзы Аԥсны Адәныҟатәи аусқәа рминистрра аусзуҩцәа рҟазара иацырҵарц акурсқәа ирхысуеит Урыстәыла Адәныҟатәи аусқәа рминистрра Адипломатиатә академиаҿ.

Аԥсны Адәныҟатәи аусқәа рминистрра Никарагуа Адәныҟатәи аусқәа рминистррахь адныҳәалара нанашьҭит ҳреспублика азхарҵеижьҭеи 14 шықәса аҵра инамаданы.

Цәыббра 2 азы Боливариантәи Ареспублика Венесуела иҟоу алкааҷыдеи азинмчнагӡеи змоу Аԥсны ацҳаражәҳәаҩ Заур Ӷәаџьаа Боливариантәи Ареспублика Венесуела иҟоу алкааҷыдеи азинмчнагӡеи змоу Ареспублика Виетнам ацҳаражәҳәаҩ Ле Вьет Дуена инаԥхьарала ихы алаирхәит Виетнам ахьыԥшымра 77-шықәса ахыҵраз еиҿкааз аныҳәатә уснагӡатә.

Цәыббра 2 азы Ареспублика Никарагуа иҟоу алкааҷыдеи азинмчнагӡеи змоу Аԥсны ацҳаражәҳәаҩ Инар Ладариа Ареспублика Никарагуа арратә мчрақәа шьаҭаркуижьҭеи 43-шықәса аҵразы имҩаԥысуаз ауснагӡатә далахәын.

Аԥсны Аҳәынҭқарра Адәныҟатәи аусқәа рминистрра Ареспублика Арцах Адәныҟатәи Аусқәа рминистррахь адныҳәаларатә шәҟәы нанашьҭит Ареспублика Амш рыдныҳәало.

Аԥсны Аҳәынҭқарра Адәныҟатәи аусқәа рминистрра Приднестровиа Молдавиатәи Ареспублика Адәныҟатәи Аусқәа рминистррахь адныҳәаларатә шәҟәы нанашьҭит Ареспублика Амш рыдныҳәало.

Аԥсны Адәныҟатәи аусқәа рминистр Инал Арӡынба Москва диԥылеит Урыстәыла Адәныҟатәи аусқәа рминистрра Аидгыла ҳәынҭқарра азҵаарақәа рзы ахаҭарнак ҷыда Виктор Сорокин.

Аԥсны Адәныҟатәи аусқәа рминистр, аплатформа «Аԥсны аԥеиԥш» ашьаҭаркҩы Инал Арӡынба диԥылеит  УА ахада иҿы еиҿкаау Иреиҳаӡоу ашкол РАНХиГС Аҳәынҭқарратә напхгараҭара адиректор, АНО "Урыстәыла – алшарақәа ртәыла" адиректор хада Алексеи Комиссаров.

Боливариантәи Ареспублика Венесуела иҟоу азинмчнагӡеи алкааҷыдақәеи змоу Аԥсны Аҳәынҭқарра ацҳаражәҳәаҩ Заур Ӷәаџьаа Амилаҭрацәатә ҳәынҭқарра Боливиа азинмчнагӡеи алкааҷыдақәеи змоу ацҳаражәҳәаҩ Себастиан Родриго Мишель Хоффман инаԥхьарала далахәын адокументалтә фильм " Боливиа аҳәынҭарратә мчра аиҭакра" ахәаԥшра. Афильм режиссиорс дамоуп Боливариантәи Ареспублика Венесуела иҟоу азинмчнагӡеи алкааҷыдақәеи змоу Ареспублика Аргентина ацҳаражәҳәаҩ Оскар Лаборде.

Аԥсны Адәныҟатәи Аусқәа Рминистрра Аахыҵ Уаԥстәыла Адәныҟатәи Аусқәа Рминистрра адныҳәаларатә шәҟәы азынанашьҭит Аахыҵ Уаԥстәыла ахьыԥшымра азхаҵара Амш азы.

Аԥсны Адәныҟатәи аусқәа рминистр Инал Арӡынба идикылеит Шьамтәылатәи Арабтә республика Адәныҟатәи аусқәеи аҳәаанырцә инхо аџьынџьуаа рызҵаарақәеи рминистр Феисал Микдад зхадараҿы дыҟоу шьамтәылатәи аделегациа.

Шьамтәылатәи Арабтә республика Адәныҟатәи аусқәеи аҳәаанырцә инхо аџьынџьуаа рызҵаарақәеи рминистр Феисал Микдади Аԥсны адәныҟаполитикатә усбарҭа ахада Инал Арӡынбеи реицҳәамҭа

Шьамтәылатәи Арабтә республика Адәныҟатәи аусқәеи аҳәаанырцә инхо аџьынџьуаа рызҵаарақәеи рминистр Феисал Микдад официалла Аԥсны даҭааит. Аԥсуа-аурыс ҳәааҿы асасцәа дырԥылеит Аԥсны адәныҟаполитикатә усбарҭа ахада Инал Арӡынба.

Нанҳәа 15, 2022 шықәсазы Боливариантәи Ареспублика Венесуела иҟоу Аԥсны Аҳәынҭқарра алкааҷыдеи азинмчнагӡеи змоу ацҳаражәҳәаҩ Заур Ӷәаџьаа Венесуела, аштат Лара имҩаԥысуа Арратә хәмаррақәа -2022 "Аснаипертә рубеж" аартра далахәын Боливариантәи Ареспублика Венесуела Адәныҟатәи аусқәа рминистрреи Атәылахьчара аминистрреи рнаԥхьарала.

Аԥсны Адәныҟатәи аусқәа рминистр Инал Арӡынба Аԥсны Аҳәынҭқарраҿы иҟоу Приднестровиатәи Молдавиатәи Ареспублика Аофициалтә хаҭарнакра ахада Гарри Кәыпалба имшира идиныҳәалеит.

Аԥсны Адәныҟатәи аусқәа рминистр Инал Арӡынба Ахсар Џьиоев дидныҳәалеит Аахыҵ Уаԥстәыла Адәныҟатәи аусқәа рминистрс иҟалара инадҳәаланы.

Аахыҵ Уаԥстәылатәи Ареспублика иаҿагыланы Қырҭтәыла агрессиа амҩаԥгара 14 шықәса ахыҵра инадҳәаланы Аԥсны Адәныҟатәи аусқәа рминистрра Аахыҵ Уаԥстәыла Адәныҟатәи аусқәа рминистрра адышшыларатә шәҟәы азынанашьҭит.

Боливариантәи Ареспублика Венесуела иҟоу алкааҷыдеи азинмчнагӡеи змоу Аԥсны ацҳаражәҳәаҩ Заур Ӷәаџьаа нанҳәа 5 азы Боливариантәи Ареспублика Венесуела аҿы иҟоу Амилаҭрацәатә ҳәынҭқарра Боливиа алкааҷыдеи азинмчнагӡеи змоу ацҳаражәҳәаҩ Себастиан Родриго Мишель Хоффман инаԥхьарала далахәын Амилаҭрацәатә ҳәынҭқарра Боливиа ахьыԥшымра 197 шықәса ахыҵра аныҳәа.